體驗獨特「法式+阿拉伯」北非風情！推介摩洛哥沙漠以外嘅天堂美景！

北非國家摩洛哥可以話係著名嘅「打卡聖地」，不但坐擁地中海、撒哈拉沙漠等天然美景，而傳統伊斯蘭文化揉合法國殖民時留下嘅法式風情，更令摩洛哥有別於其他阿拉伯國家，大城小鎮都充滿獨特魅力。

「北非花園」摩洛哥除咗撒哈拉沙漠，更引人入勝嘅係當地保存得宜嘅老城區同華麗建築。摩洛哥值得到訪嘅地方眾多，小編就精選以下呢4大公認最美嘅城市：

卡薩布蘭加（Casablanca）

大家對Casablanca呢個名嘅認識通常都係由荷李活電影《北非諜影》（《Casablanca》）而嚟，但其實電影入面嘅場景全部喺美國拍攝。真正嘅Casablanca係摩洛哥最大海港城市，又名「白色之城」，集伊斯蘭舊城、現代化建築於一身。

Photo from shutterstock

Photo from shutterstock

Casablanca必去景點包括由全白大理石所建嘅「水上清真寺」哈桑二世清真寺(Hassan II Mosque)！

Photo from shutterstock

清真寺以碧綠同白色作主調，伊斯蘭幾何設計無處不在，雕工極為精緻，非常典雅。

Photo from shutterstock

Photo from shutterstock

馬拉喀什(Marrakesh)

馬拉喀什又名「紅色城市」，係摩洛哥四大古城之一。馬拉喀什面臨山脈同撒哈拉沙漠，其舊城區有赭紅色巖石建成嘅古城牆、建築物，漫步其中如置身中古時代。

Photo from shutterstock

馬拉喀什亦有色彩鮮豔嘅華麗古宮殿、繁華熱鬧嘅市集。

Photo from shutterstock

摩洛哥物價較低，熱愛工藝品嘅話，呢度絕對係你嘅「購物天堂」！

Photo from shutterstock

舍夫沙萬（Chefchaouen）

除咗「紅色城市」，摩洛哥仲有「藍色城市」-舍夫沙萬。舍夫沙萬有別於上述嘅大城市，係位於西北部嘅寧靜山城。

Photo from shutterstock

全城小屋藍白交錯，遠觀如希臘小島。漫步其中，細聽清真寺廣播禱文，與當地居民、驢、山羊穿梭狹巷，感受與眾不同嘅蔚藍風情！

Photo from shutterstock

菲斯 (Fes)

菲斯係摩洛哥四大古城中最古老、擁有千多年歷史嘅文化名城。世界遺跡處處，如世上最古老嘅大學（卡拉維因大學）、北非最大古清真寺（卡拉維因清真寺）等。

Photo from shutterstock

菲斯被封為「世界上最易迷路城市」之一，9000多條街巷縱橫交錯，房子商鋪密密麻麻。同時保留著濃厚阿拉伯色彩，如同「一千零一夜」中嘅場景。

Photo from shutterstock

行完呢個迷宮一樣嘅老城，會想坐低嘆一杯摩洛哥傳統熱薄荷茶嗎？

Photo from shutterstock

摩洛哥秋季為每年9-10月，整體氣溫較溫和。計劃梗同朋友秋天出國旅遊嘅話，摩洛哥會唔會成為你下個目的地？

摩洛哥旅遊資訊

官方語言：阿拉伯語、法語
宗教：伊斯蘭教
最佳旅遊季節：3月-6月、9月-10月（春秋季）
簽證：香港特區護照持有人可獲免簽證30日
注意事項： 當地治安、衛生情況一般，宜多加留意。入鄉隨俗，尊重當地伊斯蘭風俗。

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）