傳慘遭下令封殺！3大跡象睇曾志偉同TVB不和原因

有指「獎門人」曾志偉，曾因為希望涉足綜藝組一事與TVB高層余詠珊鬧不和，又多番毫不留情狂踩港姐騷，更公然倒戈上ViuTV講波，終於近日傳出被下令封殺嘅消息，而陳百祥亦忍唔住開腔：「佢睇唔起TVB！」

Photo from 曾志偉Weibo

挖角過檔ATV對撼

諗頭多多嘅志偉，早喺亞視熄機時，曾傳佢四出搵老闆泵水，兼向TVB幕後人員埋手，望打造以佢為首嘅製作團隊對撼。有指TVB當時極為不滿，但最後因未成事，就當對方「一時貪玩」了事。

舊年，TVB都仲有搵志偉返嚟主持台慶節目。

Photo from 鄭裕玲 instagram

狂踩港姐騷

2013年港姐競選，志偉曾寸爆余詠珊統領嘅新改革賽制，由做Live變成錄影。期間更按捺不住：「港姐係Live，點解要錄影呀？」

Photo from 曾志偉Weibo

佢早前出席活動時，又再嚟料，先讚佳麗質素好，不過再提到今屆因取消外景而被網民取笑時，有指應屆港姐會留喺西貢拍攝。聽到依個消息時，志偉就搞笑指：「越南個西貢？」

其後，佢又指自己鍾意以前嘅模式，可以不斷更新嘅，但有啲嘢係需要保留原味。

Photo from 曾志偉Weibo

公然倒戈

志偉之前又突然為ViuTV的世界盃節目任嘉賓，並以「明星足球隊」名義，拉大隊去俄羅斯欣賞決賽！佢當時就指TVB唔會咁小器，仲坦言會同ViuTV再合作！

Photo from ViuTV

傳聞終於引爆TVB高層怒火，喺無法再容忍嘅情況下，決定封殺志偉！

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）