男神年輕時～盤點8位無論後生定依家都充滿魅力嘅男神

每個人心目中都有一個「男神」，有人認為男神一定要靚仔、高大威猛、甚至要年輕，但其實「魅力」都好重要，以下呢8位公認男神，雖然有返一定嘅歲數，但多年嚟仍然都係大眾心目中嘅「男神」，佢哋後生嗰時係點㗎呢？

1. 木村拓哉

木村拓哉1972年出生，佢出演嘅多部電視劇都創下收視記錄，十次奪得《日劇學院賞》「最佳男主角」，絕對係90年代少女心目中嘅男神。

1996年，24歲嘅木村拓哉主演電視劇《悠長假期》，大結局收視率高達36.7%，播出時日本更有「月九不出門」嘅社會現象，逢星期一夜晚9點，好多觀眾都會留喺屋企收睇《悠長假期》。

佢主演嘅好多電視劇都係日劇嘅經典，除咗《悠長假期》，仲有《戀愛世代》、《美麗人生》、《HERO》等，全部收視都超過30%，可見佢喺日本嘅影響力。

Photo from 《悠長假期》

Photo from 《悠長假期》

木村拓哉標誌性嘅長卷髮，曾經引起一段熱潮。

Photo from 《戀愛世代》

木村拓哉後生時絕對係一個靚仔，加上出色嘅演技，難怪成為少女殺手。

今年46歲嘅佢，之前出席康城影展被指外貌崩壞，但木村大方回應指自己唔想永駐青春，否則就無法同所愛嘅人擁有共同話題，對自己嘅外貌並不在意。

Photo from 《檢察方的罪人》

過咗小鮮肉時期嘅木村拓哉更加成熟，展現另一種魅力。

2. 古天樂

今年48歲嘅古天樂喺93年簽約TVB出道，以《神雕俠侶》「楊過」呢個角色為人熟知，去到《尋秦記》「項少龍」一角大受歡迎，之後將工作重心轉移去電影方面。

Photo from 《神雕俠侶》

25歲嘅古天樂青靚白淨，完美演繹「一見楊過誤終生」。

搞到小編都好想叫佢一聲「過兒」！

Photo from 《神雕俠侶》

Photo from 《神雕俠侶》

Photo from 古天樂 weibo

過兒同姑姑李若彤過咗23年都無咩點變！

Photo from 古天樂 weibo

Photo from 古天樂 weibo

雖然白色古天樂好靚仔，但曬黑咗嘅古天樂都好man好型！

3. 梁朝偉

香港代表仲有偉仔梁朝偉，1962年出生嘅佢今年56歲，一共拎過5次香港金像獎「最佳男主角」。

影帝級人馬梁朝偉其實都係TVB出身，仲做過台慶司儀添！

Photo from 《新紮師兄》

Photo from 《重慶森林》

朝偉喺84年《新紮師兄》同94年《重慶森林》都有警察造型，10年間完全睇唔出有咩變化。

梁朝偉出名眼神好有戲，係真正嘅演技派。

Photo from 《一代宗師》

睇眼神都feel到佢嘅霸氣！

Photo from 梁朝偉 weibo

今年56歲嘅梁朝偉一啲老態都無，一樣咁型！

4. 金城武

憂鬱嘅眼神、貴族嘅氣質，講緊嘅係金城武。日台混血嘅金城武今年45歲，曾經連續4年入圍「世上最英俊的臉龐100人」，雖然審美呢家嘢人人唔同，但金城武係靚仔應該都有好多人同意。

Photo from 《重慶森林》

Photo from 《重慶森林》

拍《重慶森林》嘅時候金城武得21歲，但魅力滿分，加埋個酒窩，好迷人啊！

金城武出演過日本富士電視台嘅日劇《神啊！請多給我一點時間》，仲攞埋《第18回日劇學院賞》嘅「最佳男主角」，犀利！

而2017年，金城武就同金像獎影后周冬雨合演《喜歡你》，飾演霸道總裁。

Photo from 《喜歡你》

Photo from 《喜歡你》

金城武嘅貴族氣質非常適合做霸道總裁，連食公仔麵都咁有貴氣！同年輕時候嘅佢有不一樣嘅魅力。

5. 吳彥祖

講到「男神」，不可不提吳彥祖。1974年出生嘅吳彥祖今年44歲，係好多女性心目中嘅男神。

佢喺1998年主演《美少年之戀》係電影圈出道，當時嘅佢著住警察制服，非常英氣。

Photo from 《美少年之戀》

Photo from 《美少年之戀》

好想同佢做同學！

而近年吳彥祖開始參演荷李活電影，2017年佢出演《Tomb Raider》，飾演來自香港嘅船長陸任。

Photo from 《Tomb Raider》

《Tomb Raider》係動作片，吳彥祖以型男造型現身。

Photo from 《Tomb Raider》

有人話靚仔就算著白背心都係咁靚仔，你又同唔同意？

6. 里安納度

1974年出世嘅里安納度係為人熟悉嘅荷李活巨星，佢主演嘅電影《鐵達尼號》，係全球最賣座電影第二位，僅次於《阿凡達》。

當年23歲嘅里安納度擔正做男主角，一躍成為萬人迷，成功塑造一個經典角色。

Photo from 《Titanic》

Photo from 《Titanic》

23歲嘅里安納度真係非常靚仔（小編心心眼～），Jack喺電影中為咗俾Rose活下去而選擇犧牲自己，都非常令人感動。

而里安納度之後拒絕咗好多可以成為少女心目中大英雄嘅角色，走實力派路線。

Photo from 《The Wolf of Wall Street》

Photo from 《The Revenant》

里安納度近年所飾演嘅角色雖然唔係靚仔，但就可以充分發揮佢嘅演技，終於憑住《復仇勇者》，成功奪得《第88屆奧斯卡金像獎》「最佳男主角」！

Photo from oscar

從偶像派到實力派，里安納度真係名符其實嘅男神啊！

7. 尊尼特普

荷李活明星代表仲有「傑克船長」尊尼特普！尊尼特普原來係1963年出世，今年55歲，相信大家都有睇過《魔盜王》系列電影。

喺電影入面嘅傑克船長長髮留鬚，非常桀傲不羈，但其實尊尼特普後生時都有啲乖乖仔造型㗎！

Photo from 《A Nightmare on Elm Street》

Photo from 《Ed Wood》

小鮮肉時期嘅佢已經擁有出眾嘅外貌。《A Nightmare on Elm Street》入面21歲嘅佢嘅形象完全係青春少年，而佢喺《Ed Wood》就官仔骨骨得多。

Photo from shutterstock

不過小編私心都係鍾意《魔盜王》嘅傑克船長多啲！

Via: @leonardodicaprionotofficial

Johnny Depp（@johnnydeppofficial）分享的貼文 於 PDT 2018 年 7月 月 1 日 上午 10:26 張貼

尊尼特普仲喺ig po出佢同里安納度後生嗰陣嘅合照，等fans可以大飽眼福！

8. 周潤發

壓軸男神嚟喇！就係發哥周潤發！發哥1955年出生，今年63歲嘅佢對香港電影貢獻重大，喺95年就已經到荷李活發展，佢嘅電影喺亞洲以及大中華地區都極具知名度。

Photo from 《上海灘》

《上海灘》入而發哥飾演嘅許文強，喺女主角結婚之際推開教堂門大嗌：「程程！」呢一幕，相信仍然係好多人心目中嘅電視劇經典場面。

Photo from 《英雄本色》

《英雄本色》入面嘅Mark哥更加係香港黑幫電影嘅經典人物。

發哥近年仍然繼續拍電影，為香港電影業出一份力。

Photo from 《寒戰2》

不過發哥最「男神」嘅地方並唔係同個樣有關，而係佢嘅親民。身為電影巨星嘅佢生活健康，經常做運動，不時有行山人士喺行山嘅時候撞到發哥，而發哥又會勁親民同市民自拍！連盧巧音都化身小fans同發哥合照。

Photo from 盧巧音 ig@candynurisolo

除咗行山之外，發哥仲會行街買餸同埋搭地鐵添啊！咁「貼地」嘅明星，又點會唔係大家心目中嘅男神呢？

小編覺得呢幾位男神後生嗰陣同埋依家都各有魅力，難怪咁多年嚟都咁受歡迎啊！

Text: Holiday Editorial （小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）