最易比人改花名嘅姓氏 你又有冇比人改過花名？

戴定頭盔先，喺各大forum或平台有人咁講過最易比人改花名嘅姓氏，喺呢度開心Share下！如有雷同，實屬巧合！
自古以嚟，成日都會聽到，人唔怕生壞命，最怕改壞名，本身係呢啲已姓氏嘅人就更難改名，好似改咩命，人哋都可以改到花名！

1.吳、莫、畢
呢三個姓氏唔難估啊，因為任何有意思嘅字或者詞語，拼埋去呢啲字到，都會有相反嘅意思。例如：吳美麗、吳聰明、吳健康、吳長俊、吳帥、吳仁慈、吳好、吳順......
講歪啲音，就係另一個意思，例如：吳巧亭(唔好停）、吳浩昱（唔好郁）、吳廣德（唔講得）、吳春明（唔春明）、吳 莉（唔理）、吳可兒（唔可以）、吳壽昆（唔受昆）、吳德嫻（唔得閒）、吳曉郁（唔曉郁） 、莫憀（幕僚）、莫廷（唱唱唱莫停？）、畢晉（不准）、畢庭（不停）、畢怡（不宜）、畢姿（不知）......

Photo from 高登

以吳廣德為例子，當有人問佢叫咩名嘅時候.......「你好！請問你叫咩名？」「吳廣德（唔講得）」「唔好意思先生，我哋要用你嘅名登先做到登記。請問你叫咩名？」「吳廣德（唔講得）」「先生，咁樣我哋好難做咖喎～」呢個時間就搞出嘅誤會嚟啦！

Photo from 吳彥祖instagram

Photo from 高登

Photo from 高登

Photo from 高登

2.倪、魏
呢兩個姓都會令人聯想起「偽」，即係假。或者拼埋喺一啲字到，會出現另一個意思。例如：魏仁（偽人）、魏俊（毅進）、倪謙（危險）......

Photo from 高登

3.李
姓李嘅花名都好多。李嘉姐（你家姐）、李家仁（你家人）、李露媚（粗口？）、李盈（你型）、李昆仁（你昆人）、李浩凡（你好煩）......

Photo from 李佳芯instagram

4.袁
姓袁都好易比人改花名，比人叫做袁筆、袁碌碌、袁咕碌、袁dum dur、袁形......

Photo from 高登

5.黎
唔睇唔知，原來姓黎嘅都幾易比人改花名：黎秋（泥鰍）、黎菫（嚟緊coming~)

Photo from 黎姿official instagram

Photo from Baby Kingdom

仲有其他改錯名會比人笑嘅姓氏，例如：陸浩昌(6號窗） 、郭德雲（覺得暈） 、周蕙娟（周圍捐）、柯蘭詩（柯爛屎）......實在太多，不能盡錄！

不過，唔好覺得比人改花名就係一件壞事。細細個邊個冇比人改過花名？有花名，即係有人留意你，未尚係一件壞事啊～

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）