鬼月到了！15項注意禁忌 提提你避免怪事纏身

農曆7月又到了！相信唔少年輕人都一定有被長輩提醒過呢個月出夜街要小心，盡量避免可以唔出就唔出。其實禁忌又點止一個咁少呀，尤其係夜晚，雖然你可能會覺得有啲麻煩，但抱住「寧可信其有，不可信其無」嘅心態，都係能避則避喇，以免怪事纏身！

1.忌穿黑衣紅衣

黑色本來就係比較沉嘅顏色，係靈體最鍾意依附嘅顏色。而紅色就因為顏色鮮明，所以容易引起注意。

Photo from 左：Shutterstock，右：電影《紅衣小女孩》

2.忌一個人夜遊

如果一個人出夜街會比較容易引起靈體覬覦。

Photo from Shutterstock

3.忌亂拍他人肩頭

有傳每個人肩、頭頂都有三把火，係保護人嘅精神與元氣，如果被拍熄滅就好容易出事。

4.忌隨地勾肩搭背

頭先講過人嘅頭頂同肩加埋有三把火，只要其中1把熄滅，都會好容易出事㗎。

Photo from Shutterstock

5.忌嗌全名

農曆7月時如果聽到有人喺你身後嗌你全名，切忌擰番轉頭。

Photo from 電影《紅衣小女孩2》

6.忌半夜慶生

如果喺半夜慶生，有傳會有多半機會出現一些不認識嘅「人」一起唱生日歌，為免不必要嘅「驚喜」都係改喺白天慶祝好啲。

Photo from Shutterstock

7.忌靠牆

有傳靈體最喜歡企喺於牆邊，如果有靠牆行嘅習慣呢個時候就要特別小心，以避唔小心「撞到佢哋」！

Photo from WEB

8.忌筷子插喺飯

以前嘅人在街祭時將香插喺飯上作為祭拜之用，而筷子插喺飯上時睇起嚟就好似將香插喺飯上一樣，咁做會好容易招嚟靈體。

Photo from Shutterstock

9.忌床頭、窗邊掛風鈴或身上掛鈴噹

有傳風鈴聲同法師嘅搖鈴聲相似，所以容易招來靈體。人喺睡覺時係最容易被入侵，而窗邊則有招靈體進來嘅意思。

Photo from WEB

10.避免搭末班車

相信唔少人都聽過尾班車唔係載人呢個傳聞！有指係尾班車係畀靈體搭嘅，如果真係咁啱要坐尾班車，記得千萬唔好坐車尾，因為車尾一般比較容易聚集靈體，以免坐咗「人哋」個位就唔好喇！

Photo from WEB

11.避免到海邊、湖邊、溪邊戲水，或是在山上、墓地遊蕩

正所謂「欺山莫欺水」，唔少人都會趁呢個時候舉辦所謂嘅夜遊或試膽活動，不過如果可以嘅話建議大家都係盡量路好去山上或海邊等戶外地方，以免遇上被靈體捉去做「替身」。

Photo from Shutterstock

12.忌喺街上執硬幣

有傳如果喺呢個時候執到錢，千萬唔好據為己有，因為有指呢啲其實係「買路錢」嚟，如果你拎走咗，靈體就好可能會跟你走！

Photo from WEB

13.忌室內擔遮

另外，遮亦係靈體鍾意依附嘅地方，同時有傳遮係收魂法器，所以如果唔想有「人」同你一齊擔遮，就盡量唔好喺室內擔遮喔！

Photo from Shutterstock

14.忌夜晚亂影相拍片

夜晚係陰氣最重嘅時候，喺呢個時候最好唔好亂影相拍片，因為咁好容易出現「鬼入鏡」嘅情況，有傳說指如果影到靈異相嘅會招嚟厄運。

Photo from Shutterstock

15.忌半夜吹口哨、曬衫

據傳如果喺半夜吹口哨、曬衫，靈體會被「召喚」而來，而靈體亦鍾意依附喺濕漉漉嘅衫上面，所以如果唔想帶埋佢哋返屋企，就盡量避免夜晚吹口哨、曬衫。

以上只係部份平時比較容易觸犯嘅一啲禁忌，絕非導人迷信。可能有人會話「平生不做虧心事，夜半敲門也不驚」，抱住「百無禁忌」嘅心態，不過無論你信唔信都好，都係嗰句「寧可信其有，不可信其無」喇！

Source:鬼月禁忌大全

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）