睇你Instagram嘅相 就知你有冇抑鬱症？！

Instagram係受好多年輕人歡迎嘅社交平台，為咗得到多啲人嘅注意，佢哋好比心機經營Instagram。為咗啲相靚啲，就會加filter。不過，俗語都有講，「唔同嘅心情，食嘢嘅味道都會改變」。換句話說，唔同嘅心情係會影響你嘅感官，包括你嘅視覺！

外國《EPJ Data Science》喺上年就發佈咗一項關於Instagram用戶嘅研究，由166個IG用戶入面揀出43590張相，透過分析每張相嘅filter、色彩、飽和度、每張相出現嘅人數等，去搵出有抑鬱傾向嘅人（Depression Marker），同埋得出咗以下嘅結果。

Photo from 薛凱琪instagram

Photo from 鄭秀文instagram

有抑鬱嘅徵兆：

1.Post好多好多相
有解釋指係因為有抑鬱傾向嘅人會喺網上平台發洩自己嘅情緒，同時希望得到多啲人嘅關注。除咗一啲網紅不斷Post相做宣傳，如果身邊有朋友不斷post相，又透過caption發表一啲負面嘅言論嘅時候，就要關心佢多啲啦！

Photo from shutterstock

2.唔鍾意用filter，多數post 黑白相
研究發現，抑鬱症患者Post相最鍾意唔用任何filter，直接將相轉做黑白色tone。留意呢個細節比睇醫生確診更加準確30%。

Photo from shutterstock

3.啲相多數偏藍、偏灰、偏暗
依家好多文青嘅相都用偏藍色Tone嘅filter。研究就咁解讀：佢哋比較鍾意低調咁享受自己嘅生活。同埋會有好多嘢諗，心思細密，對身邊一切嘅事都好敏感，所以好容易引發佢哋亂諗嘢、會擔心好多嘢，有時仲會比自己憑空想像嘅擔心而搞到情緒低落。總括嚟講，佢哋係有少少抑鬱傾向。大家要多啲留意啦～

Photo from shutterstock

4.用得最多嘅Filter 係黑白色（例如：Moon、Willow、Inkwell）
研究又講到，多數張相用咗黑白色，個Post會多Comments 少likes。呢個就同post黑白相差唔多。一般對黑白嘅理解，就係死亡，所以有沉重嘅感覺。

Photo from shutterstock

5.相入面人嘅數量少
研究亦有個部分係利用臉部辨識系統去偵測相入面嘅人樣數量，發現相入面人樣數量越少，就越有可能有抑鬱傾向。研究推測可能有抑鬱傾向嘅用戶較少社交活動。

Photo from shutterstock

如果你個friend IG 嘅相多數用鮮色嘅filter嘅話（例如：Juno、Ludwig），咁......佢應該冇抑鬱問題啦～坊間普遍嘅心理測驗都有講過，鍾意偏紅、鮮亮顏色嘅人，性格樂觀同埋會憑直覺辦事。呢類型嘅人比較陽光型，無論對人對事都鍾意簡單看待，對未知嘅事會抱住樂觀積極嘅心態，唔會令自己不斷糾結喺同一樣問題上。所以，佢哋嘅心理狀態係健康啲！

Photo from shutterstock

原來唔同filter都反映住唔同嘅性格～都係嗰句啦，多啲關心身邊嘅人，行多一步，世界更美好！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）