《延禧攻略》吸睛男女演員大召集現實同劇中嘅反差萌比你大飽眼福！

By Ivory on 22 Aug 2018

Digital Editor

拍着照片，一路同步坦白流露，感情和態度。其實人生並非虛耗！

延禧攻略最近成為全城熱話，除咗主角吳謹言之外，呢套劇仲有好多位吸睛演員，個個靚仔靚女。當佢哋除低戲服，換番便服，成個感覺唔同晒！仲有，佢哋鏡頭之外仲好搞鬼添～同劇入面嘅角色完全唔同啊！

Photo from 吳謹言微博

吳謹言（魏瓔珞）

吳謹言（1990年8月16日）鍾意跳舞，佢曾經喺北京舞蹈學院附屬中學學芭蕾舞，之後曾經喺中央芭蕾舞團打工。2009年考入北京電影學院表演系，大概一年之後（2010年）就開始出道。短短8年間，佢已經拍咗19套電視劇+5套電影。自從延禧攻略出咗街之後，吳謹言嘅人氣不斷咁上升！！！佢認真靚女+好戲！

Photo from 延禧攻略微博

Photo from 吳謹言微博

「傅恆」同「魏瓔珞」一齊出席內地綜藝節目《快樂大本型》嘅時候，終於「完婚」，了咗咁多位延禧攻略Fans嘅願望！Fans們覺得佢哋好襯啊～

Photo from 吳謹言微博

鏡頭外嘅魏瓔珞同爾晴好老友，一齊瞓喺「雪地」影相，好青春啊！

Photo from 吳謹言微博

吳謹言唔單止著古裝靚，唔同裝束嘅打扮，佢都Carry得好好！

Photo from 吳謹言微博

最近除咗延禧攻略之外，另一套有佢份嘅《朝歌》即將上線，飾演坦己，服裝外型簡直無得頂，大家要密切留意啦！

Photo from 朝歌微博

秦嵐（皇后）（1981年7月17日）

唔講唔知，原來秦嵐曾經同黃曉明拍過拖～喺延禧攻略算係配角嘅佢，人氣可能比吳謹言仲要高。「皇后」貴氣，寬容、優雅知性，又帶點楚楚可憐，真係難怪「皇上」咁愛佢。現年已經37歲嘅佢，係童顏嘅表現，打扮起嚟，最多都只係似一個大學校花！

Photo from 延禧攻略微博

Photo from 秦嵐微博

「皇后」都有調皮嘅一面：

Photo from 秦嵐微博

佢仲曾經有份拍攝《還珠格格》，飾演江南名媛陳知畫。嗰陣個樣仲好青澀～

Photo from 秦嵐微博

素顏都咁靚！

Photo from 秦嵐微博

蘇青（爾晴）

蘇青（1989年7月5日）有種古典美，著起古裝，就散發住優雅嘅氣質。雖然，當劇集去到中後段，爾晴變臉，由「皇后」身邊嘅貼心丫鬟，變成害死「皇后」嘅人！大批網民都好投入咁鬧「爾晴」，成為網民最討厭角色。仲有網民搞笑咁講：「最新詛咒人嘅說話：爾晴做你女朋友！」

Photo from 蘇青微博

今年29歲嘅蘇青，私底下最鍾意著得好文青。白白淨嘅佢，化個淡妝，已經好靚！

Photo from 蘇青微博

文青look 得，貴氣斯文look亦得！

Photo from 蘇青微博

唔講唔知，原來蘇青動靜皆宜！係名副其實嘅才女！

Photo from 蘇青微博

姜梓新（明玉）

姜梓新（1996年3月11日），今年只得22歲。佢入行好短時間，大概只有2年。佢喺2016年參加《如懿傳》試鏡而受到關注。好快佢就接拍咗《延禧攻略》，戲份都唔少咖！

Photo from 延禧攻略

Photo from 明玉微博

輕便造型就襯番佢年紀，好青春！

Photo from 明玉微博

佘詩曼（嫻妃）

佘詩曼（1975年5月28日）就唔係多講啦，有親佢嘅劇集，收視一定有保證！雖然佢已經43歲，但佢嘅皮膚依然白滑，一啲都唔似43歲！佢嘅古裝造型都係冇得輸！

Photo from 佘詩曼微博

佢都有調皮嘅一面：

Photo from 佘詩曼微博

識得打扮嘅阿佘，經常著碎花pattern嘅衫+長青牛仔裙，凍齡嘅樣再加年輕嘅襯衫方法，令到佢後生好多，一啲都唔似43歲啊！

Photo from 佘詩曼微博

OMG！係逆天嘅身材！

Photo from 佘詩曼微博

譚卓（高貴妃）
譚卓（1983年9月25日），唔好見佢喺佢入面個樣高傲，個妝有化到好老咁，但現實中嘅譚卓好有氣質，係嘅靚女嚟咖！

Photo from 延禧攻略微博

Photo from 譚卓微博

譚卓除咗做電視劇，仲熱衷於舞台劇～佢演戲嘅能力係無容置疑！

Photo from 譚卓微博

張天韻（珍珠）現實中係個網紅～

Photo from 張天韻微博

男：

許凱（富察·傅恆）

許凱（1995年2月5日）呢個唔洗多講啦～唔少人都比佢圈粉咗！點解可以剃咗光頭都可以咁靚仔？劇入面嘅佢成日口不對心，鍾意瓔珞又唔敢講出口，開頭對住佢嘅口頭禪就係：「女仔咁做好唔得體！」心入面就比瓔珞搞到心癢癢。最後佢哋喺佢入面唔能夠喺埋一齊，唯有喺《快樂大本型》完大家嘅夢！有185cm高嘅許凱，初初係model 出身～