超夢幻餐廳將建成！歐洲首間海底餐廳！神秘又寧靜嘅海底世界！與海洋共存嘅「奇蹟餐廳」～

水底世界一直俾人一種神秘又寧靜嘅感覺！如果可以喺入面嘆下，同海洋生物見下面，真係諗起都覺得好享受！

呢個海底餐廳嘅計劃由2017年開始，預計下年（2019年）就落成！
除左想俾大家享受一下海底世界嘅美之餘，都想為保育海洋出一分力，借此提供一個親近同認識海洋嘅機會俾大家！

Photo from Snøhetta 官網

歐洲首間海底餐廳將會興建喺挪威最南端嘅小鎮-里訥斯訥斯（Lindesnes）！
呢度係挪威海岸線最南部，設計師希望大家可以欣賞到呢度嘅海底世界，所以選址喺呢度～

Photo from Snøhetta 官網

呢間餐廳命名為「Under」，因為佢建於「水底」之中，亦都因為「Under」喺挪威語同「Wonder」嘅讀音好似，所以就用嚟做呢間「奇蹟」餐廳嘅名喇～

Photo from Snøhetta 官網

餐廳設計好似一半沉左落海底嘅潛艇，一直深潛到5公尺嘅海底！
由混凝土造成厚1公尺嘅牆堅固到可以抵擋惡劣嘅環境，更為附生嘅貝類提供左個棲身之所，為淨化海洋出一分力！
而透明嘅落地窗就可以俾大家欣賞到非一般嘅海底景色，唔同天氣氣候變化都有唔一樣嘅景象嫁～

Photo from Snøhetta 官網

餐廳總共有3層，包含左酒吧、餐廳同海洋生物研究中心。
每一層嘅設計都同佢所屬嘅地帶有關：好似酒吧嘅設計色彩都嚟自貝殼、沙石，所以柔和得嚟又好實在；而餐廳為左配襯番海底同海藻，就已深藍同綠色為主～

Photo from Snøhetta 官網

Photo from Snøhetta 官網

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）