期間限定！日本Häagen-Dazs推3款新口味 兩層朱古力脆皮野莓醬朱古力雪糕雪條／蘋果味雪糕／紅茶餅乾雪糕

去日本總會發現便利店會有好多唔同新口味嘅Häagen-Dazs雪糕，而今年10月日本Häagen-Dazs仲會前後推出3種唔同嘅限定口味，其中有一款仲係用朱古力脆皮包住紅莓醬。

紅莓醬再包住朱古力脆皮，朱古力脆皮再包住朱古力雪糕，勁多重口感！

10月16日就會推出兩層朱古力脆皮紅莓醬3重朱古力雪糕雪條，會用兩種唔同口感嘅朱古力脆皮，第1層會係朱古力脆皮，第2層就係微酸嘅野莓果醬，第3層就係另一種朱古力脆皮，第4層就係朱古力雪糕。

一啖就有4重口感，仲有4重口味！10月16日推出，售價約294日圓。

之後仲有公主系列嘅日本Häagen-Dazs限定口味，有《白雪公主》蘋果吉士雪糕，同埋《愛麗絲夢遊仙境》紅茶雪糕混合牛油曲奇～

10月2發售，售價約324日圓。

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）