魏瓔珞傅恆劇外曖昧舉動咁樣得體咩？！

By Ivory on 27 Aug 2018

Digital Editor

拍着照片，一路同步坦白流露，感情和態度。其實人生並非虛耗！

雖然TVB嘅《延禧攻略》未播晒，但係喺內地，啱啱過咗去嘅星期六就已經大結局咗～唔單止網民，就連吳謹言同許凱自己都想「佢哋」喺埋一齊喎～究竟「佢哋」係「魏瓔珞傅恆」，定係佢哋自己？

吳謹言同許凱之前出席內地綜藝節目「快樂大本型」嘅時候，語出驚人。佢哋喺節目入面，著晒中式禮服、裙褂，網民都大讚佢哋好襯～許凱呢個時候就話：「這是傅恆的夢想」，吳謹言即刻接住講：「也是我的夢想！」真係甜到漏～吳謹言自己亦都喺自己嘅微博po咗呢張互相對望嘅相。相入面嘅佢，笑得好甜，好難令人相信佢哋冇嘢～

Photo from 吳謹言微博

Photo from 快樂大本型

Photo from 延禧攻略

Photo from 快樂大本型

喺接受訪問嘅時候，吳謹言同許凱坐得好近，幾乎係挨住許凱咁坐。當主持人問許凱，角色同真人似唔似嘅時候，許凱諗緊點答嘅時候，吳謹言即刻話：「帥！」睇嚟吳謹言係真心覺得許凱靚仔！許凱再話覺得自己同角色似嘅地方係「好專一」。講嘅時候仲（情深款款咁）望住吳謹言，而吳謹言亦都立即點頭回應：「是真的！」！成件事好曖昧，好有愛～

Photo from 愛奇藝

內地版《延禧攻略》星期六晚正式大結局，佢哋出席慶功宴時候，許凱按主持人要求，向吳謹言「表白」：「瓔珞，我已經守妳守了一輩子了。下輩子，能不能換妳來守我…」，吳謹言聽完即刻淚崩！許凱亦都好識做，主動拎紙巾比吳謹言～吳謹言就解釋，因為啱啱睇完大結局（大結局入面，魏瓔珞同許凱無緣做情侶），再聽到許凱嘅「表白」，所以代入咗「魏瓔珞」嘅角色，先會咁感觸！最後，佢自己仲補多一句：「我想跟傅恆說的就是，魏瓔珞在戲中心裏是說『好，我答應你』，但我其實想跟他說：『不要，我希望他能夠保護我一生』。」聽到都覺得感動啊！