行錯一步就BYE BYE！世界7大「死亡之橋」 你又敢唔敢行？

講到「吊橋」相信大家都一定唔會陌生，唔少人都會諗到中國嘅棧道、台灣嘅天空步道等等，睇就好安全，不過到真係要行出去時，冇番咁上下勇氣都未必踏得出嗰步呀！

1.馬達加斯加吊橋（馬達加斯加）

馬達加斯加吊橋位於國家公園之裡，雖然它似乎冇咩危險，但它嘅特別之處在於佢係建築喺天然嘅迷宮之中，被巍峨嘅石林所包圍。

Photo from Flickr.com

Photo from Flickr.com

2.鐵力士峰吊橋（瑞士）

瑞士嘅鐵力士峰吊橋，懸掛瑞士最高嘅山上，距離海平面3000公尺，可以將山脈全景一覽無遺！

Photo from titlis

Photo from titlis

3.印加草繩古橋（秘魯）

古代印加人用手編草繩建橋，為嘅就係穿越安第斯山嘅峽谷同河流。到依家為止全世界就只剩最後這一條印加草繩古橋。

而每年嘅六月，當地人都會用印加人遺留嘅技術嚟修復呢條橋，令橋可以繼續維持。不過唔好睇好似好脆弱咁，其實實際上佢係可以承受56人通過㗎！

Photo from WEB

4.胡賽尼吊橋（巴基斯坦）

胡賽尼吊橋本身就以「最危險之橋」而聞名的，由單薄嘅木板搭建而成，木板因為老舊而支離破碎，以及木板間嘅超大空隙，喺上面行真係會很驚一唔小心就差錯腳呀！

Photo from WEB

Photo from WEB

5.天空橋（俄羅斯）

俄羅斯嘅天空橋，係世界上最長嘅步行吊橋，長達一公里。依條橋上仲有一個特色，就係只要你夠膽，你唔只可以喺橋上行，你仲可以喺上面玩笨豬跳添呀！

另外，遲啲仲會加建一座空中花園SkyPark，目的係要成為最高、最好玩同多元化的公園！

Photo from SkyBridge AJHackett.

6.樹山吊橋（烏克蘭）

位於烏克蘭嘅樹山吊橋，建立喺巍峨聳立嘅山上，光係睇就有一種心都離一離嘅感覺。另外，加上烏克蘭嘅狂風，可以想像到幾千公尺高嘅吊橋隨風搖擺，簡直恐怖呀！

Photo from WEB

7.威提姆河鐵路木橋（西伯利亞）

西伯利亞嘅威提姆河鐵路木橋，每天都會有當地人開車通行，但因為沒有護欄，所以一定要十分小心。

到咗冬天被冰雪覆蓋變滑之後，就更難以前行。

Photo from WEB

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）