絕景雲海中嘅天空之城 日本「馬丘比丘」竹田城跡 櫻花雪景定平日都咁靚！

《天空之城》係宮崎駿著名嘅作品，天空之城唔只喺動畫入面存在，原來喺現實中都有，就喺日本神戶嘅兵庫縣。

兵庫縣嘅竹田城跡可以話係現實中嘅天空之城。每到秋冬時節嘅清晨，一大片雲霧環繞住山城，就好似漂浮喺天空一樣，所以有「日本馬丘比丘」嘅美譽。

Photo from shutterstock

Photo from 国史跡「竹田城跡」公式ホームページ

位於山上嘅竹田城跡係一座古城遺跡，依家遺址上雖然無任何建築，不過從留底嘅基座可以睇得出當初嘅竹田城係相當有規模。

Photo from 国史跡「竹田城跡」公式ホームページ

竹田城跡一年四季都有唔同嘅美景：春天賞櫻；夏天睇藍天下古城；秋天睇雲海；冬天賞雪景。無論邊個季節去遊覽都會有靚景睇！

Photo from 国史跡「竹田城跡」公式ホームページ

Photo from 国史跡「竹田城跡」公式ホームページ

Photo from 国史跡「竹田城跡」公式ホームページ

Photo from 国史跡「竹田城跡」公式ホームページ

喺9月下旬至12月上旬期間嘅7點至8點，竹田城跡嘅周圍有雲海環繞，登上城上，除咗可以一睹雲海嘅夢幻之景，仲好似置身喺蓬萊仙境咁！

Photo from 国史跡「竹田城跡」公式ホームページ

如果想睇晒「天空之城」嘅全景，亦都可以到竹田城跡對面嘅立雲峽，望過去就會見到竹田城跡「漂浮」喺雲海之上喇！

Photo from shutterstock

Photo from shutterstock

記得帶保暖衣物同雨衣，因為秋冬嘅7、8點天氣好涼，好易冷親，而且雲海霧氣好重，有機會會濕身。

地址：兵庫縣朝來市和田山町竹田字古城山169
門票：500円
開城時間：
(春)3月1日～5月31日 8:00～18:00時（最後登城時間：17:30）
(夏)6月1日～8月31日 6:00～18:00（最後登城時間：17:30）
(秋)9月1日～11月30日 4:00～17:00（最後登城時間：16:30）
(冬)12月1日～翌年1月3日 10:00～14:00時（最後登城時間：13:00）

詳情請留意官網。

竹田城跡真係好夢幻！而且喺昭和18年更獲指定為重要嘅國史跡，登上古城唔單止可以欣賞到雲海絕景，仲可以近距離見到古城遺跡，下次去關西不仿到訪下竹田城跡！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）