日本台風吹襲 盡忠職守Pizza外賣速遞員堅持送貨 網友全呼：睇到好想喊！

今年第21個颱風「燕子」係今個月4號吹襲日本四國德島縣，仲一路橫掃東北嘅地方，造成唔少災情。

日本氣象廳都宣佈「燕子」係25年來登陸日本嘅最強颱風，連關西機場都因為咁而被迫暫停所有航班一整日復修。
Photo from 日本氣象廳

雖然颱風吹襲，大家都唔洗番工番學可以留係安全地方休息。但正正係呢個時候唔止政府嘅紀律步隊要on duty，就連服務性行業連鎖餐廳呢啲都要繼續營業。
Photo from Twitter截圖

一個由網友(@pur305)上載嘅片段就拍到，一個Domino's Pizza嘅外賣速遞員就係強風底下揸電單車送pizza。
Photo from Twitter截圖

途中仲因為太大風，成架車郁唔到。再有一個大風吹過黎，個個外賣速遞員就一直捉住架電單車，幾乎自己都比風吹走。

Photo from Twitter截圖

見到呢條片，各個網友都反應好大！

有啲就話「點解公司嘅職員好似咁黑心，唔理員工死活～當然人命係最緊要啦！」
Photo from Twitter截圖

有人就話「大家冷靜諗諗，應該要怪責係叫pizza個個人喎，呢個時候叫pizza會唔會太奇怪」
Photo from Twitter截圖

另外有一個網民就同樓主相認係同一幢大廈嘅住客，原來都影到同一個畫面，不過畫面就影到兩個速遞員同時倒地。
Photo from Twitter截圖

唔少網民就係下面譴責Domino's仍然要外賣速遞員送貨同安坐家中叫pizza嘅客人。仲有網民話：「睇到好想喊啊～」

雖然大家都有唔同爭論係邊個嘅問題，不過Pizza外賣速遞員係咁強嘅颱風底下都盡忠職守真係值得敬佩⋯⋯

Source：Twitter @pur305

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）