觀日出/賞櫻/睇神木！台灣阿里山小火車懶人包（附日出時間） 交通攻略大公開

阿里山係台灣必去景點之一，每年都有好多遊客登阿里山觀賞雲海、晚霞、神木等美景。

登阿里山有好多種方法，其中阿里山森林鐵路係世界上僅存嘅三條登山鐵路之一，搭小火車遊阿里山別有一番風味。但阿里山森林鐵路除咗本線之外仲有其他支線，今次小編幫大家整理好阿里山小火車嘅交通資訊，登山無難度！

目前阿里山森林鐵路有4條線路，分別係由嘉義至奮起湖嘅本線，同埋3條支線：睇日出嘅祝山線、神木線、沼平線。

Photo from 阿里山林業鐵路及文化資產管理處

嘉義至奮起湖

奮起湖係台灣海拔最高嘅老街，充滿懷舊風情。有非常多美食、特色小物品售賣，當中奮起湖鐵路便當更加係必食之選，有時間嘅可以嚟個奮起湖一日遊！

Photo from 上山：嘉義至奮起湖

Photo from 下山：奮起湖至嘉義

具體時間請參考官網。

Photo from 阿里山國家風景區官網

購票方法：

1. 車站購票

開放日期：乘車日至前12天(含乘車日)

營業時間：森林鐵路各車站營業時間（8：00～16：00)及台鐵局各代售票點售票時間。

購票地點：森林鐵路嘉義站、北門站、奮起湖站、阿里山站。以及台鐵局各代售票點。

2. 網路訂票

開放日期：乘車前1天至前15日 (含當日)

開放時間：6：00～24：00

訂票網址：http://alishan.railway.gov.tw

*注意：「中興號」只限於乘車當日喺森林鐵路各車站售票窗口以及台鐵局各代售窗口販售，不接受網路訂位。

奮起湖至阿里山

Photo from 阿里山國家風景區官網

由於奮起湖至阿里山站無火車行駛，所以需要選擇其他交通工具上阿里山。

1. 公車：嘉義縣公共汽車管理處

2. 台灣好行：阿里山線-A線及B線，詳情見台灣好行官網。

如果想時間彈性啲，自由安排行程嘅，仲有以下兩種上阿里山方法：

3. 包車

4. 自駕

阿里山森林鐵路支線

Photo from 阿里山林業鐵路及文化資產管理處

1. 祝山線（阿里山車站至祝山站）

Photo from 阿里山國家風景區官網

Photo from 阿里山國家風景區官網

祝山線係阿里山著名嘅觀日出景點，搭呢條線就可以輕鬆到祝山觀日出啦～

祝山線購票資訊：平日700名，假日1000名，想搭觀日列車旅客可以喺前一日13:00～16:00預先到森林鐵路嘉義站、北門站、奮起湖站及阿里山站2/F購票

車程：約30分鐘。

發車時間：隨著日出時間會有所調整，具體時間請留意官網公佈

日出時間每日都唔同，可以參考下圖。

Photo from 阿里山林業鐵路及文化資產管理處

2. 神木線（阿里山站至神木站）

Photo from 阿里山國家風景區官網

阿里山神木都非常出名，神木線可以比你盡情享受阿里山森林嘅自然氣息。

購票資訊：只可以喺阿里山車站現場購票，每隔30分鐘有一班車

Photo from 阿里山林業鐵路及文化資產管理處

Photo from 阿里山林業鐵路及文化資產管理處

3. 沼平線（阿里山站至沼平站）

Photo from 阿里山國家風景區官網

沼平線全程只有6分鐘，但有沼平公園同姊妹潭等景點，而沼平站停咗一架蒸氣火車，每到櫻花季節，漫天落櫻配上火車超級浪漫，係打卡熱點啊！

購票資訊：同神木線一樣，只可以喺阿里山車站現場購票，每隔30分鐘有一班車

Photo from 阿里山林業鐵路及文化資產管理處

Photo from 阿里山林業鐵路及文化資產管理處

以上阿里山森林鐵路支線嘅具體發車時間可參考官網。

阿里山係台南嘅熱門景點，而阿里山小火車更加係遊阿里山必搭嘅交通工具，搞清楚阿里山小火車各個路線，遊阿里山就輕鬆得多啦！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）