余德丞今日出院啦！！粉絲們可以放下心頭大石啦

生活熱話

By Ivory on 07 Sep 2018

Digital Editor

拍着照片，一路同步坦白流露，感情和態度。其實人生並非虛耗！

余德丞（Dickson)早前踢波暈低昏迷，經過一番搶救同治療，住咗大概一個月醫院後，今日喺ig公佈，佢出院啦！

Photo from 余德丞instagram

佢仲發長文多謝身邊嘅人，多謝瑪麗醫院上上下下嘅醫護人員、公司、屋企人、同事朋友。好動嘅Dickson要喺醫院成日對住三面牆一定好難受。依家出咗院，終於可以呼吸自由嘅空氣啦！！

Photo from 余德丞instagram

在 Instagram 查看這則貼文

我出院啦 ? ? ? 感謝瑪麗醫院既醫生同護士們，見住你地早更完又夜更，又一大早巡房，又每日24小時留意住我既病情，真係辛苦你地！感謝我既屋企人，每日擔心我病情既變化，又驚我唔知有咩需要，仲要每日頻頻撲撲幫我準備三餐。感謝我公司，我經理人同一班好同事，成日擔心我會鑽牛角尖亂咁唸，一得閒就開解我。感謝我既朋友，知我一個人悶，一有空檔就嚟陪我傾計，仲要買埋生果糖水俾我食。感謝每一位關心我既你地同支持我既 fans，係唔同既社交平台都見到有好多問候我既訊息。雖然我未能夠一一回覆，不過我絕對感受到你地既心意。不過坦白講，原來連續咁多日面對住一樣既三面牆，加埋打唔開既窗，感覺真係好難受！所以我都希望今次之後，我既身體會生生性性，爭一口氣，唔好再令大家擔心。醫生話短期之內唔可以做運動住，相信都會係我最唔習慣既。生命無 take 2 ，今次咁好彩有多一次機會，我一定會好好珍惜。俾啲時間，等我休養多一陣，好快我就會重新出發?? #我只想身體健康 #回家最好不過 #第二生命#comebackstronger #happybirthdaytome #hk #hkig #instadaily #yuts

Dickson Yu 余德丞（@yuduck）分享的貼文於 PDT 2018 年 9月月 7 日上午 2:18 張貼

全文：
我出院啦 ? ? ?

感謝瑪麗醫院既醫生同護士們，見住你地早更完又夜更，又一大早巡房，又每日24小時留意住我既病情，真係辛苦你地！

感謝我既屋企人，每日擔心我病情既變化，又驚我唔知有咩需要，仲要每日頻頻撲撲幫我準備三餐。

感謝我公司，我經理人同一班好同事，成日擔心我會鑽牛角尖亂咁唸，一得閒就開解我。

感謝我既朋友，知我一個人悶，一有空檔就嚟陪我傾計，仲要買埋生果糖水俾我食。

感謝每一位關心我既你地同支持我既 fans，係唔同既社交平台都見到有好多問候我既訊息。雖然我未能夠一一回覆，不過我絕對感受到你地既心意。

不過坦白講，原來連續咁多日面對住一樣既三面牆，加埋打唔開既窗，感覺真係好難受！所以我都希望今次之後，我既身體會生生性性，爭一口氣，唔好再令大家擔心。

醫生話短期之內唔可以做運動住，相信都會係我最唔習慣既。生命無 take 2 ，今次咁好彩有多一次機會，我一定會好好珍惜。俾啲時間，等我休養多一陣，好快我就會重新出發?? #我只想身體健康 #回家最好不過 #第二生命#comebackstronger #happybirthdaytome #hk #hkig #instadaily #yuts