今年冬天必到雪景！日本山形縣「藏王樹冰」靚到好似人間仙景～

雪景對於經常去日韓旅行既香港人，或者已經冇第一次見既時候咁令人興奮，但係佈滿一座座山既「樹冰」，你又見過未？

Photo from Naverまとめ

日本只有秋田縣、岩手縣、青森縣同山形縣會出現樹冰既奇景，當中山形藏王山個樹冰雪海更加不得了。大家望下下面既相，雪山佈滿一支支好似炮彈既樹，外面比一重重既雪包到實一實，望落好似人間仙景咁靚～

Photo from 樹氷 | 蔵王ロープウェイ

Photo from 樹氷 | 蔵王ロープウェイ

樹冰入面係容易比雪覆蓋既冷杉，但係大家見到既樹冰只不過係樹梢既一小部份，下面幾米樹幹其實仲埋係積雪裡面。

Photo from トクー！

Photo from ソロで生きる

每年一月同二月，藏王山既天氣普遍都晴天時間少、降雪量多，完全係形成樹冰既絕佳地理環境。但係三月既時候，樹冰會開始慢慢融化。

Photo from ブログのトップへ

如果時間岩岩好、又遇到好天氣，大家一定一定要去感受下「藏王樹冰」。企係現場，你先能夠真正了解種震撼！

交通資訊
1.　新幹線：東京乘坐山形新幹線，約 2 小時到達山形車站；再乘坐巴士，約 40 分鐘到達藏王。
2.　飛機：羽田機場往山形機場約 1 小時，再乘坐 50 分鐘巴士到山形車站，最後乘坐巴士往藏王。

Photo from ペンション木いちご