愈肥代表愈深愛？美國研究：情侶愈愛對方，愈容易一齊發胖

原來「幸福肥」係有根據！美國國家生物技術資訊中心（NCBI）有研究發現，如果伴侶認為自己非常愛對方，又對關係感到滿足，就愈容易一齊增磅發胖。換言之，伴侶關係夠甜蜜，真係會成為「胖侶」㗎！

美國國家生物技術資訊中心搵嚟169對夫妻，進行長達4年嘅研究調查，每年量2次體重，同埋了解其感情狀況，從中了解婚姻狀況同體重間嘅關係。調查人員最後發現，婚姻關係親密嘅伴侶，夫妻兩人體重都有上升；相反體重無太大變化、甚至變輕嘅夫妻，分居或離婚嘅比例較高。

Photo from shutterstock

研究認為，人一旦進入穩定而安全感高嘅關係，對身形嘅要求就會比同單身時低。另外，因為唔需要「求偶」，反而著重同另一半享受生活，越食越多，體重漸漸增加。而且有受訪者認為「與伴侶擁有相似身形，感覺更融合」、「因為另一半已接受自己身形，所以放鬆體重控制」。

Photo from shutterstock

而較無安全感嘅夫妻，由於隨時擔憂會有分開、再「求偶」嘅可能，就會更落力維持能夠「吸引異性」嘅身材。

呢個結論聽落似是疑非，不過眼見娛樂圈不時有藝人婚後、蜜運後「發福」，心寬體胖，真係不無道理。況且有人同自己一齊發胖，都係一種幸福！

Photo from Taylor Swift

Photo from Jay Chou

資料來源：NIBI研究

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）