樂富出現巨型emoji夾公仔機！！商場化身emoji樂園，有得玩又有得做善事，一舉兩得！

「點解你唔用emoji？你係咪唔鍾意我？」唔用表情符號唔代表唔鍾意，但emoji確實幫我地溝通上帶來方便，同表達情感。最近樂富就出現巨型emoji夾公仔機，你可以將一個個表情夾走～～見到都覺得興奮！

Photo from Linkhk

其實呢個係領展同emoji™合作嘅「#Linkemoji愛・FUN・享」慈善活動，以emoji作主題，鼓勵人與人加強溝通交流，宣揚關愛。

Photo from Linkhk

由19/1-26/2期間，參加者透過「泊食易」手機程式嘅連結，或者上網站linkemoji.com創作個人專屬嘅emoji訊息，再分享到Facebook，領展就會贊助香港導盲犬協會港幣一元正，而你就可以得到一次玩夾公仔機嘅機會啦！有得玩，同時又做善事，你無理由唔參加嘛？

Photo from Linkhk

赤柱廣場都有得玩，不過就唔係夾公仔機，而係扭蛋機同彈珠台，參加方法都係一樣喔！

Photo from Linkhk

活動亦特別邀請咗四位星級嘉賓設計emoji，有林嘉欣、李嘉欣、曹星如，同神秘嘉賓－明福俠！今個星期係Facebook share得最多個人專屬嘅emoji訊息，就有機會得到黎明設計嘅明福俠禮物啦！

Photo from PressLogic

樂富廣場
地址：領展樂富廣場A區美食坊
遊戲開放時間：正午12時至晚上6時（一至五）／正午12時至晚上8時（六、日）

赤柱廣場
地址：領展赤柱廣場對開空地
遊戲開放時間：正午12時至晚上6時（一至五）／正午12時至晚上8時（六、日）

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）