金管局月底推出即時跨銀行轉帳APP 終於唔洗去櫃檯排隊入數/又唔洗收手續費啦！

平時喺IG shop買嘢/要過數比朋友，唔同銀行係唔互通。即係如果你用開恆生，但你個Friend係用中銀嘅話，你就要去櫃檯排隊入數，好麻煩;喺ATM過數又要比手續費／網上過數又唔係即時收到。

Photo from 網上圖片

但由今年9月30日起，金管局推出快速支付系統--「轉數快」。「轉數快」每日24小時、一年365日全天候運作，全面接通唔同銀行同儲值支付工具營運商，令市民可以隨時隨地進行跨銀行以及儲值支付工具嘅即時資金轉帳。

市民用手機號碼或電郵地址作收款人識別之用，就可以即時進行支付或轉帳。除咗港元外，「轉數快」亦支持人民幣支付交易。

目前有21間銀行（包括中銀、匯豐、恆生、交通、渣打、永隆、東亞、中信、建設、集友、創興、花旗、大新、星展、工商、南洋、華僑永亨等）同10間儲值支付工具營運商（包括：Alipay/八達通/Wechat Pay等）參與咗「轉數快」系統，為市民提供服務。

Photo from 金管局

如果用戶發現個人八達通結餘接近零，除咗可以用信用卡自動為八達通增值，亦可以用快速支付系統即時增值。又或者當一大班朋友出去食飯，要夾份找數，快速支付系統亦可以發揮作用。

Photo from shutterstock

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）