日本10大最受遊客歡迎嘅地方！全部都靚到好似仙境～超有日本特式！識去一定去呢度！

By 123testing on 19 Sep 2018

相信大多數人嘅人生清單入面，一定有去邊個國家旅遊，暢遊邊個靚地方！呢個日本TripAdvisor供佈嘅《日本10大最受遊客歡迎嘅地方》入面嘅靚景，真係一定要親身去遊覽，先對得住自己！

其實呢個排名有成30大景點，排名都係根據外國觀光客喺網路上分享嘅文章，進行分析而得出嘅結果，小編就精選左頭 10名，將最最最值得遊覽嘅地方介紹俾大家！
《第10名-姬路城》
呢個城樓位於兵庫縣，呢座城嘅全個牆身都係純白色所以亦有白鷺城嘅別名！
作為日本三大名城之一，呢座城嘅保存度可以話十分完好，所以都有「日本第一名」城嘅美譽！
呢座城樓座落喺高高嘅石城牆上，更顯佢嘅氣派。好多電影同電視劇都會以呢座城做背景，作為江戶城嘅象徵。
（地址：兵庫縣姬路市68 Hommachi 670-0012）

Photo from Shutterstock

《第9名-箱根雕刻森林美術館》
箱根嘅呢個美術館好特別！係一間以雕刻做主題嘅美術館，仲要係一間戶外美術館，嚟呢度好似遊公園咁嫁！
呢度有7萬平方尺，收納超過 400件來自唔同國家嘅藝術品，啲藝術品散落喺藝術園嘅唔同角落，好似同森林融為一體咁嫁！
如想鍾意休閒遊園欣賞藝術，或者為特別嘅靚景打卡嘅話，呢度就啱哂喇！
（地址：神奈川縣足柄下郡箱根町1121 Ninotaira 250-0493）

Photo from Shutterstock

《第8名-金閣寺》
金閣寺顧名思意就係擁有金色閣樓嘅寺廟，真身嘅佢真係用金箔裝飾，好金光閃閃嫁！
其實佢本來係叫做鹿苑寺，以前戰爭嘅時候，大火燒淨主要建築-舍利殿；之後又因一僧人放火，好多入面嘅經書、木像都燒毀，宜家睇到嘅舍利殿係其後依照原貌重新修復嘅面貌嚟嫁！
（地址：京都府京都市北區金閣寺町1 603-8361）

Photo from Shutterstock

《第7名-高野山奧之院》
呢個位於深山入面嘅奧之院被高大嘅松樹包圍，份外寧靜，有種獨有嘅空靈感～
其實呢度係一塊有好耐歷史嘅墓地，但就俾人一種好放鬆嘅感覺！
旅客仲好推薦夜間遊院嘅活動，覺得係好值得介紹嘅獨特體驗嚟～
（地址：和歌山縣伊都郡高野町550 Koyasan 648-0211）

Photo from Shutterstock

《第6名-兼六園》
金澤市嘅兼六園係個好靚嘅公園嚟嘅～特別在於呢個公園嘅設計以日式庭園為主，造景十分有特式！
據說四季嘅景致都好靚，好似杭洲西湖四季四色；但呢度有乜樹蔭，夏天嚟可能會太曬太熱～
呢度嘅小橋、湖泊都係遊客嘅打卡熱點，秋冬配埋楓葉、梅花更賞心悅目！
（地址：石川縣金澤市1-1 Marunouchi 920-0937）

Photo from Shutterstock

《第5名-新宿御苑》
去旅行就係想好好放鬆，放低一切煩囂，享受下當地嘅文化！如果係咁，呢個公園就啱哂喇！
春天，呢度係賞櫻嘅好地方；夏天，繡球花同玫瑰都爭住同你打卡；秋天，楓葉開滿，紅紅綠綠嘅園林真係好引人入勝！
唔講唔知，江戶時代嘅時候，呢度係宅地嚟嫁，而宜家就變成好似動漫場景咁靚嘅公園喇～
（地址：東京都新宿區藤町11 160-0014）

Photo from Shutterstock

《第4名-東大寺》
呢間東大寺大有來頭，大佛殿正面寬57公尺、深50公尺，係世界最大嘅木造建築；入面嘅大佛仲有15公尺以上高添，十分宏偉壯觀！
東大寺好易認，有對小金牛角喺寺廟嘅頂部；而寺廟又位於奈良，所以有好多遊客會嚟呢度親親小鹿～
寺內仲有好多文化遺產，每一寸雕刻每一座建築物都好值得細細欣賞！
（地址：奈良縣奈良市406-1 Zoshicho 630-8211）

Photo from TripAdvisor

Photo from Shutterstock

Photo from TripAdvisor

《第3名-宮島嚴島神社》
嚴島神社可以話係一個神出鬼沒嘅神社，原因就在於佢嘅地理環境！呢間神社座落喺瀨戶內海岸邊，潮間帶對佢嘅影響好大！
潮漲嘅時候，海水會浸過砥柱，成間神社好似浮喺水面咁，而大鳥居就會身處海中央！而潮退嘅時候，就可以睇到整座神社嘅完貌，仲可以行過去大鳥居添！
（地址：廣島縣廿日市市Miyajima-cho 739-0500）

Photo from TripAdvisor

《第2名-廣島和平紀念資料館》
呢間資料館可以話係一本活生生嘅歷史書，主要展出廣島原子彈爆發嘅事件，希望帶出零核武嘅信息！
好多遊客都參觀完都覺得好震撼，因為展館對於事件嘅記錄好詳盡～
最值得留意，可以話係原爆圓頂館，因為佢係當時核爆事件入面勉強屹立冇完全傾倒嘅建築，保存到宜家完封不動呈現大家眼前！
（地址：廣島縣廣島市1-2 Nakajimacho, Naka-ku 730-0811）

Photo from TripAdvisor

《第1名-伏見稻荷大社》
伏見稻荷大社喺呢個排名已經連續 5年奪冠，可見有幾受歡迎！
整座稻荷山被日本人視為神域，即神聖之地。神社內有好多大大小小嘅鳥居，仲有好多視為稻荷神使者嘅狐狸雕像，最特別嘅莫過於呢度嘅繪馬，因為係狐狸造型嫁，好可愛！
可以欣賞壯觀嘅「千本鳥居」，又可以以咁特別嘅狐狸繪馬祈願，難怪吸引咁多遊客啦！
（地址：京都府京都市Fushimi伏見區深草藪之內町68 612-0882）