【又關山竹事】12個郊區災情嚴峻 郊外塌樹嚴重 行山徑受損

超級颱風山竹對香港所有地方都造成嚴重破壞，一度令香港嘅交通癱瘓。空曠而多樹嘅郊野公園亦都無一倖免，而且災情比市區更為嚴重，行山徑同設施都受到嚴重破壞。

Photo from 漁護署Facebook

Photo from 漁護署Facebook

漁農自然護理署喺自己嘅社交網站開腔：「好多位於郊野公園嘅遠足徑同康樂場地都受到破壞，我哋同事正努力加緊清理倒塌嘅樹木同埋維修損壞嘅設施。」

Photo from 漁護署Facebook

Photo from 漁護署Facebook

同時呼籲市民暫時唔好去郊野公園：「為咗大家安全，麻煩暫時唔好去郊野公園，同時要避免進入有塌樹或者山泥傾瀉嘅地方；等我哋清理好哂，大家就可以親親大自然啦！」

Photo from 漁護署Facebook

風暴下，狂風亂舞，魚排、魚塘、漁船以及農作物都損毀嚴重～

Photo from 漁護署Facebook

經常發放行山資訊嘅「浪行山野」Facebook亦指出12個災情嚴重嘅郊外地區： 吉澳、 荔枝窩 、鴨洲、西灣、蒲台島、東平洲、 塔門、 鹽田梓、南丫島模達灣、河背、南涌、鹹田灣。大家記得暫時唔好去住啦！

Photo from 浪行山野Facebook

Photo from 浪行山野Facebook

位於新界東北嘅荔枝窩，入村嘅石屎村路斷開一截截，經營馬料水來往荔枝窩街渡聲威實業有限公司喺Facebook表示：「由於強颱風山竹過後，漁護署發現荔枝窩入村嘅路嚴重損毀，提醒乘坐街渡到荔枝窩嘅遊客入村時注意安全，以免受傷！」

Photo from 聲威實業有限公司

另外，位於西貢的鹽田梓嘅行山徑亦有受損，「由於山竹吹襲導致鹽場南閘道路倒塌，及北閘頂行人路部分出現下陷，涼亭/玉帶橋往紅樹林之山路、鹽場右轉往紅樹林全段道路均將封閉，以待進行緊急維修。」

Photo from 鹽光保育中心facebook

Photo from 鹽光保育中心facebook

而香港濕地公園嘅戶外展區經漁護署人員努力趕工，部分保護區已經重新開放，室內嘅訪客中心一切如常。今個週末冇得去郊外呼吸新鮮空氣唔緊要～去住濕地公園先啦！

Photo from 漁護署Facebook

感激所有市民、工作人員以及漁護署人員嘅幫手，努力趕工，令香港盡快重回正軌！

Photo from google

謝謝大家！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）