29度過中秋！各區冧樹達萬五棵 熱島效應加劇或令氣溫上升

近排天氣超級熱，明明已經到咗秋天，但幾乎日日都有成30度咁高溫！

根據天文台，雖然已經入秋，但係未來幾日嘅最高氣溫仍然達到攝氏28-30度，中秋節最高氣溫有成29度。連日高溫原來可能同各區冧樹有關。

Photo from 天文台

山竹殺傷力之大令全港有成過萬棵樹倒塌，冧樹除咗對行人、交通造成危險之外，其實都會影響溫度。

山竹風力強大，令大量樹木倒塌，至今已收到接近萬五宗冧樹報告，連日嚟清潔人員忙於清理，但仍有殘骸遺留，唔少打工仔同學生返工返學都需要跨過倒塌嘅樹木。

Photo from shutterstock

Photo from shutterstock

Photo from shutterstock

而倒塌樹木嘅去向都引發大眾嘅關心，有指冧樹會送去堆填區。

過萬棵冧樹唔止影響城市嘅綠化，更加會對氣溫造成影響。市區樹木本身對城市氣溫調節非常重要，可以舒緩熱島效應。

城市嘅破璃外牆同瀝青路面都會吸收大量熱能，令城市積熱不散，愈嚟愈熱。而大樹嘅樹冠可以遮蔭，將陽光反射，同時透過水分蒸發同蒸散調節溫度。

Photo from shutterstock

Photo from shutterstock

依家大量樹木倒塌，無得反射陽光，令陽光直射落地面，地下吸收陽光直射嘅熱力之後發出嘅熱度，會令整個城市嘅氣溫上升。

原來樹木對於城市嘅重要性係咁大，今次山竹將唔少幾十年老樹連根拔起，睇嚟要重新種植都需要一段時間。

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）