S.H.E再傳離巢拆夥！華研國際發聲明 三人將各自組個人公司

台灣女子天團S.H.E早前先舉行完出道17周年演唱會，不過轉個頭佢哋又再傳拆夥嘅消息喇！

Photo from 華研國際Facebook

早喺今年7月就先傳出Ella將會離開合作咗17年嘅華研，仲打算將經紀約交畀老公賴斯翔打理。而呢日就傳出另外兩位成員Selina和Hebe約滿後都會離開，不再續約，各自分飛。

Photo from S.H.E Facebook

不過，因為S.H.E嘅團名係屬於華研，當初傳單飛不解散，3人都指彼此已經係一家人，仲有合體嘅可能，不過如果合體就要經過有團名版權嘅華研統整辦理。

Photo from S.H.E Facebook

而台灣華研唱片公司就對佢哋嘅合約一事發出聲明，內容如下：「三位成員與本公司合作尚未屆期，接下來三人將各自成立個人公司，未來期間合作內容仍在討論中。」

Photo from 華研國際音樂北京Weibo

不過，有指因為S.H.E離巢對華研打擊頗大，去年Selina有7個代言，估計收入約1500萬港幣；Hebe就最大厲害，去年11個代言，只係廣告酬勞就已經唔少，所以粗略估計佢哋去年一共為華研賺進逾1億港元呀！

Photo from S.H.E Facebook

無論點都好，相信一班粉絲都會對佢哋不離不棄，支持佢哋嘅決定！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）