9月全新開幕 日本橋高島屋大翻新！東京必去著名古蹟百貨公司 設多間首次登陸/首開專門店！

東京日本橋由江戶時代起已成為東京嘅心臟地帶，當中仲有好多建築物被指定為日本重要文化財之一，可以話係充滿日本歷史痕跡嘅地區！除咗可以欣賞日本傳統風情之外，亦陸續出現好多唔同潮流店舖，而喺今年9月，「日本橋高島屋」全面翻新，而且已順利開幕！準備遊日嘅朋友記得一定要去啦！

Photo from 日本橋高島屋官網

「日本橋高島屋」為一東京著名古蹟，1831年於京都創業，成為日本最早以櫥窗展示商品嘅百貨錢司，其後嘅東京店於1933年竣工，2009年更獲選為國家指定文化財，成為日本首間獲選重要文化財嘅百貨公司。咁歷史悠久加上富有設計嘅建築風格，遊日嘅朋友絕對值得一去再去！

Photo from 日本橋高島屋官網

而喺今年9月25日，日本橋高島屋內部重新裝修，成為「日本橋高島屋S.C」正式登場！

「日本橋高島屋S.C」將原本已有嘅4大館，包括本館、新館、東館及Watch Mansion進行內部裝修，將其四合為一，喺新館同本館中間嘅步道區加設「日本橋Galleria」旗艦店，為大家帶來逾115間店舖，成為全新都市型購物中心，去過嘅朋友再去一次都無妨啊！

Photo from 日本橋高島屋官網

「日本橋高島屋S.C」引嚟一眾購物狂迷矚目，開幕後更成為目前最受矚目嘅新據點，原因點止因為新開幕咁簡單，仲因為內有多間首次喺日本登場嘅海外名店、以及多間首次進駐百貨公司嘅商店啊！

Photo from 日本橋高島屋官網

新館以專門店為主，1-7樓共有100多間店舖，更有多間為首次登陸日本嘅專門店，店舖包括代代木八幡人氣麵包店「365日」、

Photo from 日本橋高島屋官網

首次進駐大型商場擁有多家分店嘅高級餐店「PARIYA」，於新館開設首間水果蛋糕專賣店「PARIYA SHORTCAKES」、

Photo from Pariya官網

Photo from Pariya官網

出售Made in Japan嘅服裝及雜貨為主的「S.ESSENTIALS」、

Photo from FB@S.ESSENTIALS

Photo from FB@S.ESSENTIALS

綜合日本及外國品牌男女服裝嘅「TOMORROWLAND」等等，一系列名店、餐廳包羅萬有，絕對夠大家早到晚行足全日啊！

Photo from 日本橋高島屋官網

而本館以百貨店及專門店為主，被獲選為國家重要文化財嘅主樓，通常譽為國家重要文化財嘅建築物都需要入場門票，但由於日本橋高島屋為百貨公司，所以大家可以自由閒逛，可以在內享受購物同時，又可以感受日本歷史文化，同極具藝術感嘅建築！

Photo from 日本橋高島屋官網

東館同樣以百貨店及專門店為主，包括最近極受歡迎嘅Pokémon，已喺東館5樓開設「Pokémon Center Tokyo DX」以及「Pokémon咖啡館」啦，成為最大嘅Pokémon Center店舖！

Photo from 日本橋高島屋官網

而Watch Mansion則而百貨店為主，當中最特別係Watch Mansion為世界最多鐘錶產品選擇嘅地方，連一啲高級品牌嘅特別系列產品都有，而且會為客人提供全面嘅諮詢及售後服務，一眾鐘錶迷記得一定要去潮聖啦！

Photo from 日本橋高島屋官網

日本橋Galleria則以路面旗艦店為主，當中包括日本著名服裝公司Adastria嘅首個首飾品牌「PAS TIERRA」，日本橋Galleria開設嘅亦係PAS TIERRA首間實體店。另外亦有巴黎著名高級食品店FAUCHON所設嘅Cafe，行到攰攰地入去品嚐下法式料理都唔錯㗎！

各位熱愛購迷嘅朋友係咪已經睇到心郁郁呢？仲唔即刻飛機票、Bookmark加入行程、兌多啲錢兼開通埋張信用卡，準備出發啦！

「日本橋高島屋S.C」
地址：東京都中央區日本橋2-5-1
電話：(03)3211-4111
官網：https://www.takashimaya.co.jp/nihombashi/

圖片來源：日本橋高島屋官網、Pariya官網、FB@S.ESSENTIALS

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）