毫不留情窒你 但當無人撐你時都仲有我撐你！張敬軒王菀之齊上美女廚房 笑中又有感動位 靈魂之交就係呢啲
係人都知張敬軒同王菀之呢對圈中超級超級好友有幾friend㗎啦！其實用「超級好友」黎形容佢哋，又未免太唔貼切，二人都視對方為親人，為靈魂伴侶。
啱啱過去嘅星期六，播出久違嘅《美女廚房》，今次黎到何雁詩、王菀之同陳庭欣，男嘉賓評判方面就係林德信、張敬軒同洪卓立。短短一個鐘，充滿笑料嘅節目入面，都可以喺細節位度睇得出二人濃厚嘅友誼。
講反話
明明一眼認得出係自己老友，就係要扮認唔出，仲講一個擺到明無可能係佢嘅人。節目一開始，就要3位男嘉賓估3個廚房入面，分別係邊位女藝人。去到王菀之，形容佢充滿藝術細胞，係音樂才女、擅長搞笑角色、鍾意喺屋企煮飯仔。張敬軒一黎就話：「一睇就知係肥媽啦！」
仁慈只會留俾其他人 對你就只係想窒你
呢個環節，男嘉賓可以靠住問女藝人一啲問題再從中估佢哋係邊個。張敬軒禮貌地自我介紹：「我係張敬軒啊」王菀之即刻話：「邊位啊？」張敬軒再問對方住邊區，對方就話：「你住邊區我咪住邊區囉！」張敬軒：「我住南區啊」對方：「南區咁大你住晒啊？」好朋友就係唔理咩事，就係要窒咗你先！
但之後洪卓立同林德信分別問佢問題，王菀之都好有禮貌回答佢哋，仲話會對佢好好。
熟悉你嘅一切
就算唔係日對夜對，好朋友就係，即使你只有輕微改變，佢都即刻睇得出。因為佢熟悉晒你嘅一切，留意你身體嘅每一部分，包括一見到你嘅手指就認得你。
留意你嘅言行舉止、一舉一動，睇得出你平時行路嘅改變。Bob講話原來王菀之一行出黎，軒仔已經估到係佢，軒仔話王菀之放鬆行路嘅時候係外八。
內斂啲嘅時候就內八，仲扮得幾神似添！
數你缺點唔怕講
軒仔話啲手指好熟口面，人哋問佢即係點啊？佢毫不避諱：「短囉！」笑完佢啲手指同行路姿勢，對於好友嘅廚藝，係充滿信心會難食㗎！軒仔搞笑講話：「自從前排佢返屋企煮飯俾佢老公食之後，我就再無見過佢老公啦！」
當試第一啖自製麵嘅時候，一放入口已經心知不妙：「好似煎完放咗兩星期嘅年糕」
仲話相比之下，好過何雁詩嗰個少少（er...何雁詩嗰碟係個個都嘔晒同俾負分嘅）
窒完你又呵番你
雖然過程中見到軒仔王菀之係咁互窒，但係都睇得出軒仔有幾錫佢。好似頭先個麵咁，就算一放入口已經知道唔好食，軒仔都繼續放埋入口。當個個食完都話難食，有人食到面青
有人俾0分、1分、3分
就算軒仔頭先點彈，最終俾最高分嘅都係佢，8分。
軒仔話：「我係第一次食佢煮嘅嘢，而且佢係好努力去學做一個好太太！」
張敬軒曾經講過，佢哋呢對靈魂伴侶都會有吵架嘅時候，不過並唔係入心嗰隻，令人感動嘅係，張敬軒話：「錯的永遠都是男人，無論是工作上或感情上。」
靈魂之交也許就係最深入嘅交往，「我們是心有靈犀貌合神離勾心鬥角爾虞我詐稱兄道弟你死我活的一對」
即使身邊有了愛人伴隨過日子，但無論如何都有個位置留俾呢位獨一無二嘅靈魂之交。
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
