港鐵為補償將擇日推半價優惠 推1日半價車票優惠 以答謝乘客支持

港鐵今早於繁忙時間，有4條線服務受阻，包括荃灣綫、觀塘綫、港島線同將軍澳綫。影響大批市民外出返工返學，歷時6小時直至上午11時45分先恢復非繁忙時段服務。港鐵表示歉意並提出優惠服務予乘客。

Photo from shutterstock

港鐵常務總監金澤培稱，將會向全部乘客提供一天的半價優惠，以答謝乘客嘅支持，未來公布實施時間。

Photo from 網上圖片

車務總監劉天成指，今日黃昏時段系統仍然有可能會唔穩定，乘客候車時間或會增加，希望乘客體諒並預留時間乘搭港鐵。

Photo from 網上圖片

佢亦指出，過去幾小時，信號系統穩定，下午4時起已陸續加車，黃昏時間會加密至2-3分鐘一班。港鐵仍會保持警覺，已經加派200名同事喺不同車站向乘客提供協助，亦有同事喺設備房候命，倘若系統出現不穩定時，亦能夠即時處理。

Photo from 網上圖片

至於系統故障真正原因，要今晚收車後才能做詳細調查，港鐵人員到時會下載有關數據，以供工程人員作分析。

Photo from 網上圖片

港鐵會成立委員會調查今次事故成因，更會邀請外來信號系統專家作調查。

Photo from 網上圖片

金澤培表示今次嘅故障情況特別，自90年代營運以來，都未發生過如此事故，維修手冊亦無提及類似情況發生。對於港鐵是否為避過罰款機制而不肯暫停運作，佢否認並表示係為咗協助市民出行，所以保持服務最重要。

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）