入秋仲有風打！？颱風「玉兔」形成 天文台籲密切留意：一切都係預測

近年因為氣候反常而出發唔少奇怪現象，繼早前超強颱風「山竹」之後，又有本來3月先有得睇嘅櫻花，依家10月已經開花、提早落雪嘅情況，令天氣出現反常。

而香港天文台早前就提過指傳統嘅「風季」多數會喺9月，不過因為全球暖化加劇嘅關係令太平洋水溫仍然溫暖，所以10月同11月仲會有風繼續形成嗌大家唔好掉以輕心。

Photo from 歲月神偷

今晨位於關島東南面嘅熱帶低氣壓就增強為颱風「玉兔」。天文台就指個風依定離香港仲有一段距離，一切都係預測，仍言之尚早，預計要去到周末先可以做更準確嘅路徑預測，籲市民可密切留意。

Photo from Windy

而根據氣象網站windy顯示，「玉兔」會於星期五之後轉向日本一帶。

Photo from Windy

不過打唔打得成都好，聽日就係中國24節氣中嘅霜降，係秋季最後一個節氣。一般嚟講依個時候大部分地區都會明顯可以感受到天氣開始變涼同寒意，颱風季節也亦會跟隨結束。

Photo from 天文台

天文台預測星期六天氣會明顯轉涼，唔想冷親，大家出門時記得帶多件外套傍吓身喇！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）