弟弟車禍重傷十年終於可站立家姐黎姿不離不棄：「他燃點我對生命的熱誠」

By Mag on 23 Oct 2018

Digital Editor

旅孩一個。愛用文字紀錄生活。

息影多年嘅黎姿同弟弟黎嬰一向姊弟情深，弟弟於2007年因車禍嚴重受傷，至今仍行動不便，好家姐黎姿就退出娛樂圈不離不棄照顧11年。近日終於苦盡甘來，黎姿今日喺IG向大家報喜，細佬終於可以企起身啦！

黎姿08年接手弟弟嘅醫學美容生意，打理得有聲有色，算得上成功。不過黎姿多年來要兼顧事業、家庭同照顧弟弟，背後有幾勞累真係可想而知。今日佢就喺IG上發表感人文，提到自己嘅呢十年來「一路走來不算容易」。

Photo from gigilai_official@IG

雖然生活唔容易，不過黎姿就話照顧弟弟從來唔係負擔，反而係令自己進步嘅推動力。佢寫道：「每次感到疲憊嘅時候，都會感到有一股強大嘅力量喺背後支持我、鼓勵我」，仲好感激弟弟「雖然失去了自由行動嘅能力，但依然擁有堅定嘅意志，積極嘅觀念，以及對生活嘅無限熱愛」，令佢每次喺工作上遇到難關，都會被弟弟不屈不撓嘅精神感染，重新燃點起自己對工作、對生命熱誠，不斷令自己進步。