將吸睛的粉紅色食落肚 東京下高井戶「桃雪烏冬」 神祕自然的粉紅色醬汁!

對於不愛好烏冬既人黎講，佢只係眾多麵食既其中一種，而對於愛好烏冬既人黎講，佢係一個無邊際既世界，粗、幼、彈性、湯汁，各種組合都會形成微妙既變化。

Photo from tukanana

位於東京高井戶一間麵店「jazz keirin」主打美味既讚岐烏冬，除左一般款式既烏冬之外，佢地都有出售比較特別D既創新既菜式。

Photo from kentaro54

Photo from shinsk8_wow

叫得「jazz keirin」，都知佢同音樂有少許關係，除左店內裝修有下心思之外，碗都好有佢地既風格。

Photo from manamincle324

Photo from kentaro54

佢地既咖哩烏冬有分黑咖哩烏冬，同白咖哩烏冬，精緻既外觀，絕對係相機食先，呃Like既好選擇，而且味道仲唔錯架！

然後依度有一種好特別既「桃雪烏冬」，聽落實在詩意十足，而重點就係烏冬上面粉紅色，好似醬咁既物體。

Photo from ryoc417

叫得桃雪，唔係因為佢有桃既成份，而係因為佢有桃子一樣既粉紅色既醬汁係面，但睇落唔似落左食用色素，咁究竟好地地點解會粉紅色呢？

一食落就明白喇，原來粉紅色係來自明太子同山芋依個組合，所以，望落非常自然，食落味道亦十分合理，味道輕盈既山芋同低調時亦不失優雅的明太子二合為一，組合出一種特別的滋味，配搭蘿蔔蓉既清新，同埋生蔥些微的清新碰撞出一種令人食落好舒服既感覺。

Photo from dafu_dk

具有深度同層次既味道，顯示出佢既內涵，決不只係一味得個樣既食物，正宗係一款睇得又食得既美食！

店鋪資料：

店名：JAZZ KEIRIN

地址：〒1560043 東京都世田谷区松原3-30-17 大和屋ビル1F