全天然無添加台飲 - 沐白登陸香港～ 皇牌芋頭鮮奶！ 仲有豆乳系列，岩哂奶製品敏感人士～

呢個全天然、無添加嘅台飲品牌沐白，係澳門開設第一間海外店後，再下一城係11月13號係香港開店喇！

絕對係對全素食者、奶製品敏感人士嘅福音，因為佢地除左主打全天然、無添加之外，仲有一系列豆乳產品可以飲！會唔會太開心～

11月13號開幕當日仲會係下午4點～7點送出300杯贈飲啊！如果將飲品相片上傳到Facebook/Instagram仲可以係11月14號～19號期間買第2杯半價啊！
Photo from Presslogic

由兩位靚女老闆娘Eve同Yuni將呢個品牌帶黎香港！自從係台灣飲過就一試難忘～同平時台飲唔同，呢度真係主張健康、天然！
Photo from Presslogic

堅持台灣品牌概念，用嘅糖亦係用天然蔗糖同蜂蜜調味，而唔係果糖或者調和蜜。而且飲品入面亦無一用奶精沖，全部都係優質鮮奶！

除此之外，為左要保持係台灣嘅水準，Yuni仲特登去左台灣受訓一個月嫁！

大甲芋頭鮮奶 ($30)
呢個就係老闆娘Eve一飲鍾情嘅飲品喇！用上大甲芋頭，食落係有層次有咬口，而唔係人工芋蓉。而且新鮮製作，芋香味好濃嫁！
Photo from Presslogic

沐白黑糖波霸鮮奶 ($30)
同樣有依家大熱嘅黑糖波霸鮮奶，每一杯都會量過，確保珍珠量達160g!!!!!!黑糖掛杯好靚，而且飲落黑糖香烤味濃，珍珠唔會過份軟糯，係有咬口der～
Photo from Presslogic

珍珠紅茶拿鐵 (M：$28 L：$32)
呢款係佢地推介嘅茶拿鐵，用嘅茶底係佢地自加研發嫁，用斯里蘭卡紅茶配搭台灣決明子！茶味好香濃，配埋新鮮奶好好飲啊～
Photo from Presslogic

草莓鮮奶 ($35)
呢款草莓控真係絕對要試，入面加入鮮榨草莓沙冰，同奶混和就好似飲緊好濃郁嘅草莓牛奶咁～飲飲下仲會咬到啲果肉嫁！
Photo from Presslogic

抹茶鮮豆乳 (M:$26 L:$30)
而豆乳系列都有好多可以揀嫁！不過因為採用豆乳，抹茶味略為比豆味遜色！不過對於飲唔到含乳糖飲品嘅小編黎講，可以飲到咁多款台飲真係好幸福啊！
Photo from Presslogic

除此之外，店內幾乎9成飲品都可以轉為熱飲。黎緊冬天可以飲暖暖黑糖鮮奶啦！
Photo from Presslogic

預告黎緊12月仲會有荃灣店嘅誕生，想飲嘅朋友要繼續留意喇！

沐白 - 小農沐場
地址：元朗裕景坊27-31號金倫大廈地下4號舖

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）