《終極一班》13年後隔空合體！前飛輪海3子+唐禹哲向38歲辰亦儒「遠距慶生」

仲記唔記得13年前Hit爆嘅台灣偶像劇《終極一班》？當年組合飛輪海、唐禹哲憑此劇紅遍兩岸三地，同時成為唔少港人嘅青春回憶。雖然事隔多年，但近日呢班分隔多地嘅《終極一班》主角們，都向前飛輪海成員辰亦儒「遠距慶生」，好有愛呀！

Photo from 終極一班

辰亦儒近日喺北京舉辦38歲大型生日會，同粉絲齊齊慶祝。最令人驚喜嘅係，已經多年無合作過嘅飛輪海三子都透過影片，同辰亦儒送上生日祝福，當中包括吳尊、汪東城，同埋近日流出感情風波新聞，又曾傳同其他前成員不和嘅炎亞綸！

Photo from 辰亦儒@微博

吳尊一開始搞Gag「奚落」辰亦儒，但最後就搞笑地向對方催婚同對著鏡頭送上一吻。

Photo from 秒拍

Photo from 秒拍

汪東城以中英文為辰亦儒唱生日歌。而炎亞綸就祝福辰亦儒：「生日快樂，身體健康、心想事成，希望有機會可以聚聚。」

Photo from 秒拍

Photo from 秒拍

而好耐無同香港觀眾見面嘅唐禹哲，同樣以影片向辰亦儒送上祝福。不過佢就爆料，自己錄呢段片時，其實就同辰亦儒喺日本度假，偷偷錄片俾對方一個小驚喜！

Photo from 秒拍

睇嚟《終極一班》主角們隔咗咁多年，感情都算Keep得唔錯！好似上個月吳尊生日時，辰亦儒仲現身對方生日會，合唱飛輪海經典歌曲《越來越愛》！雖然唔知要飛輪海復合有無望，不過相信忠粉們睇到都好當窩心！

Photo from 吳尊@微博

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）