中環聖誕6大區域 親身了解真·聖誕老人 教你點先係純正嘅hohoho！

ifc今年聖誕話你知咩係真·聖誕老人啊！今次邀請咗美國聖誕老人學院嘅院長，亦都係殿堂級嘅聖誕老人嚟揭開序幕！而且在場有6大區域，俾你更認識聖誕老人，無論係佢哋嘅服飾，甚至經典嘅「Ho-ho-ho」笑聲，原來都好講究㗎！

6大互動區域

1. 「聖誕郵局」

講起聖誕老人，除咗禮物就梗係寫信寫postcard㗎啦！喺呢個「聖誕郵局」裡面，寫完明信片後，仲可以即場send埋電子明信片俾摯愛！

2. 「聖誕老人 HoHoHo」

到底點先係純正嘅聖誕老人經典笑聲「Ho-ho-ho」呢？喺度就可以俾你學到啦！學完當然要驗證啦！對住鏡頭，你就會化身為小小聖誕老人，一齊「Ho-ho-ho」。咁經典嘅一幕當然要錄底再好似「長輩圖」咁send晒去所有group，睇吓你啲家人朋友認唔認得你～！

3. 禮物工場

打卡最啱就係禮物工場啦！呢度大玩錯視效果，企喺唔同位置，你就會好似忽然變大變細咁㗎啦！

4. 「校長劇場」

細細個過聖誕，臨訓前都會放隻襪仔喺床頭，希望聖誕老人會送禮物俾自己，第二朝起身又真係有喎！不過就係你屋企嘅聖誕爸爸媽媽派俾你嘅禮物囉～

以前會好好奇到底芬蘭嗰邊嘅聖誕老人係點派禮物嘅呢？真係坐住雪橇？有九隻紅色鼻嘅馴鹿？想睇吓聖誕老人係點樣訓練馴鹿派禮物就可以去吓「校長劇場」，透過投影睇吓準備嘅過程啦！

5. 聖誕老人衣帽間

聖誕老人嘅服裝亦都一啲都唔馬虎㗎！到底聖誕老人衫係點整嘅呢？

6. 「聖誕鹿車」

講到聖誕老人，又點少得雪橇啊！

完成晒以上6項歷程並喺電子學員手冊上收集全部印章，你就會獲頒一張個人化嘅證書啦！

「Northern Lights Santa Academy」

「Northern Lights Santa Academy」係美國東南部最大嘅聖誕老人學院，專業培訓「Ho-ho-ho」聖誕老人㗎！所以今次 「Northern Lights Santa Academy」同ifc合作，令港人今個聖誕除咗可以睇燈飾睇聖誕樹之外，仲可以真正了解吓聖誕節不可或缺嘅聖誕老人！

Jingle Jangle Carnival

除咗聖誕老人學院「Santa Academy」，亦有聖誕匯演「Jingle Jangle Carnival」，表演集合咗來自世界各地表演者嘅空中雜技、彈跳及活力十足嘅舞蹈表演，非常難得非常精彩！想睇嘅你記得留意表演時間啦！

Jingle Jangle Carnival
表演日期：12月13日至26日
表演時間：中午12時45分及傍晚6時30分

聖誕秋冬禮遇

各單位注意！由即日起至12月26日，只要喺同日以電子貨幣消費滿HKD$9,000或以上*，就可以獲贈 Lane Crawford 羊絨針織毯 (米色/灰色)禮券乙張啦！而如果消費滿HKD$10,000以上，仲可以成為 CLUB ic 會員，到時仲有更加多嘅額外禮遇啊！

擁有Citi Visa 信用卡嘅朋友，有福了，只要用此卡消費滿HKD$2,000或以上*，就可以獲得高達HKD$3,600嘅city’super購物禮券！！！快睇約埋朋友去ifc感受北歐聖誕嘅氣氛啦！

ifc mall「Santa Academy」

地點：ifc商場
開放日期：即日起至2019年1月1日
開放時間：早上10時30分至晚上10時
詳情請到：ifc.com.hk/xmas2018

*優惠須受其他條款及細則約束。

Photo and Source from ifc