《SUNNY陽光姊妹淘》日影翻拍韓國電影 閨蜜隔咗20年會漸行漸遠定一世好友？搞笑又令人感動 一定會有共鳴！

好多人都會係唔同階段有唔同嘅朋友，總有朋友曾經好好感情，但隨年紀漸長會慢慢步出咗你嘅人生，諗返起總會有少少唏噓難過。

Photo from sundream motion pictures

《SUNNY陽光姊妹淘》講90年代嘅6個女高生，曾經以為大家可以一直成為好朋友，一齊長大，但都係漸行漸遠，各自走上唔同嘅人生。有日成為家庭主婦嘅奈美，重遇當年成員重心嘅芹香，估唔到佢即將面對死亡，而佢嘅心願就係將當年嘅成員聚埋一齊。

Photo from sundream motion pictures

相信會好多人都好有共鳴，內心總有一兩個曾經好好朋友，但隨時間過去，慢慢疏遠，然後不再來往。

而呢套電影好似就係喚醒放咗喺心底嘅過去。唔少人都應該會好似奈美咁，偶爾諗返起以前做過嘅青春事，如果唔係同呢班人玩，可能唔會做啲咁熱血、組隊跳舞比賽。

《SUNNY陽光姊妹淘》唔係用一種悲傷、唏噓手法去描述，而係跳脫、搞笑，仲有向90年代日本流行文化致敬，好似安室奈美惠熱潮、泡泡襪、辣妹打扮等，令到觀眾會有好懷念嘅感覺（年齡暴露系列）。

Photo from sundream motion pictures

由於之前無睇過韓版，無法作出比較。開頭會以為呢個故事純粹係搵於昔日好友們嘅故事，但原來除咗講佢地開頭要接受奈美呢個轉校生，點樣變得感情深厚，然後點樣變到大家唔再來往，都留下懸念。

Photo from sundream motion pictures

Photo from sundream motion pictures

喺海報中會睇到高中時年係有6個人，但海報上方大個咗嘅成員得5個，埋咗伏筆。因為唔見咗嗰個成員，正正係當年大家漸行漸遠，以為會成為一世朋友，但各自走上唔同人生，唔再互相聯絡嘅最主要原因。

Photo from sundream motion pictures

講述開頭呢個成員好抗拒奈美，甚至想要奈美離開呢個小團隊，覺得奈美會拖累大家，到慢慢接受咗佢，佢同奈美係街上面攬住一齊喊，奈美畀人蝦，佢會為奈美出頭，都會為此覺得好青春，仲會諗點解以前自己中學時代無咁青春過。

Photo from sundream motion pictures

Photo from sundream motion pictures

已經成為咗家庭主婦嘅奈美搵返當年嘅初戀，畀返張相佢個下，都有種曾經好青春，為當年畫上一個完美嘅句號。

Photo from sundream motion pictures

同埋到最後芹香嘅要求，要其他成員為佢跳返當初比賽個隻舞，令到成件事再次熱血，仲喺最後加返啲感動。

Photo from sundream motion pictures

如果你有超過十幾年嘅好朋友，到而家都仲會聯絡，仲係知心好友，記得要好好珍惜～

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）