嶄新觀感出發！超有趣互動藝術展～迷幻氣味壁畫！浮水畫染布！手織人生大樹！超豐富工作坊體驗～

By 123testing on 30 Nov 2018

香港嘅藝術展真係越嚟越多、越嚟越豐富！今次嘅嘅藝術展仲好新奇有趣，唔再係眼看手勿動嘅藝品，而係可以同藝品互動！

今次嘅藝術展係deTour 2018，為期 10日！
主題係「Trial and Error」，意思係「創意係容許自己犯錯」，就好似人生咁，唔好將少少嘅錯失放大，喺呢啲錯誤中學習成長，可能會有意外收獲！
呢次嘅展品涵蓋左多種表現媒體，包括包括玩味裝置、光影投射、多媒體同埋多重感官體驗，唔止視覺，連聽覺、嗅覺、觸覺都可以滿足到大家！
Photo from PressLogic

《超高密度 vs 公眾私隱》（Sensorial Estates: Hyper-Density vs Public-Privacy）
-WE-DESIGNS
呢個展品，遠睇以為係普通嘅萬花筒壁畫，原來入面加入左好多香港元素！
仔細睇會搵到香港嘅商場、公園，甚至連洗手間都會搵到；用手捽一捽，有意外驚喜，會聞到番梘、商場、海港等多種氣味嫁！
Photo from PressLogic

Photo from PressLogic

《大白兔桌上漫遊》（White Rabbit, Let’s Play）
-盛彥凱
大白兔糖喺咪大家一目中其中一個經典呢？新加坡年輕嘅平面及互動設計師盛彥凱先生，將可愛嘅大白兔搬上餐枱！
萌萌嘅佢地原來好細膽，你一講野佢地會望住你，如果大叫，佢地仲會躲番入白兔糖入面添！係一件會令人童心爆發嘅作品～
Photo from PressLogic

Photo from PressLogic

《樹·程·尋》（Tree. Journey. Find）
-Mishtar
人生就好似樹咁，落地生根，之後不斷磨練成長！呢件藝術品就以人如樹木為創作意念，以手織嘅繩結去織成一棵大樹！
樹上面掛滿左好多一生人會遇到嘅物品，去代表唔同嘅階段～呢棵大樹仲有個秘密，用閃光燈影，會有唔同驚喜嫁！
Photo from PressLogic

《浮花》（Floating Journey）
-染樂工房 Dyelicious
浮水畫呢種藝術喺世界各地越嚟越盛行！呢種藝術，好隨心隨意，冇乜規範，正正切合番主題「創意係容許自己犯錯」！
展覽期間，藝術家會指導大家創作浮水畫，大家可以參加工作坊體驗下！
Photo from PressLogic