【窮遊恩物】日本推免費的士！0円就可以遊勻全東京！

去日本旅行搭的士可謂係最奢侈嘅享受，因為日本搭的士真係好貴！喺香港搭的士，起錶頭2公里都係＄19至＄24蚊；但係喺日本搭的士，頭2公里已經要730円（約港幣＄50) 。

Photo from Shutterstock

但而家去東京都可以盡情搭的士喇！因為東京推出咗免費的士，一円都唔洗俾就可以搭到的士，而且搭完的士仲送你一個杯麵添！

Photo from dena.com

呢個東京免費的士計劃，其實係由日本公司 DeNA 推出。只要用佢地推出嘅的士配對App「MOV」同附近嘅免費的士進行配對，而你嘅目的地又係東京都嘅23區之內，就可以免費搭的士啦～

Photo from dena.com

免費的士計劃由即日起至 12 月 31 日 10:00pm 為止，運行時間為 7:00am 至 10:00pm。到時會有50 架指定免費的士喺東京都內嘅涉谷區、新宿區、港區、中央區、千代田區周圍走，等你嚟搭～

Photo from dena.com

但係天下冇免費午餐！搭免費的士就要預咗成程都要睇廣告～呢次計劃嘅sponsor係日清杯麵！成架的士車身都係日清杯麵「どん兵衛」嘅廣告，連車內都印滿どん兵衛杯麵嘅Logo，強行Hardsell你。

Photo from dena.com

搭完車仲可以免費獲得「日清どん兵衛 天婦羅蕎麥麵」一個！真係又「搭」又拎～

呢個計劃真係好掂！廣告商可以有效賣廣告、的士司機又有穩定收入，最重要係乘客可以免費搭的士，真係「WinWinWin三贏」。

如果香港都有呢個計劃就好啦！

資料來源：Dena.com

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）