卡通版《挑戰者1號》！《無敵破壞王2：打爆互聯網》官方吐槽迪士尼公主勁搞笑～6大金句帶出人生道理「朋友唔係用嚟霸住」

《無敵破壞王2：打爆互聯網》12月20日上映，上一集都大受好評，而且之前發佈嘅預告都好搞笑有趣，所以好多人都好期待第2集上映。而家都有唔少優先場有得睇，普遍評語都係唔錯，都係話有好多彩蛋，其實一開始睇會有種睇緊卡通版《挑戰者1號》嘅感覺！

Photo from Disney Movie HK

重溫下《無敵破壞王2：打爆互聯網》嘅背景先！破壞王同雲妮露喺生活於遊戲機中心入面嘅遊戲機中，有日雲妮露身處嘅遊戲機壞咗件好重要嘅零件，因為遊戲機都已經有返咁上下「年紀」，市面適合佢嘅零件都停產，破壞王同雲妮露為咗個零件，闖入網絡世界，用盡方法買返零件。

Photo from Disney Movie HK

一開頭睇佢入面嘅網絡世界，同埋勁多屬於迪士尼嘅彩蛋，就會令人聯想起同樣超多彩蛋嘅《挑戰者1號》，兩者都係專注少陣都唔得，會突然閃過勁熟悉嘅角色！而且喺互聯網世界入面，真實嘅人都會喺呢個世界變成卡通化，有啲似《挑戰者1號》現實嘅人都會有個同真實有少少分別嘅樣。

Photo from Disney Movie HK

而且佢地一入到網絡世界都有賽車嘅畫面，賽車場面同樣驚險萬分，緊張刺激，都係有個反高潮～不過當然兩套電影想帶出嘅意義係有分別，《無敵破壞王2：打爆互聯網》主要想講嘅係朋友、夢想同放手。

Photo from Disney Movie HK

Photo from Disney Movie HK

其實呢套電影好似畀小朋友睇，實際上係大人睇會比較多唔同嘅感觸、感受。

Photo from Disney Movie HK

例如對朋友嘅見解、「真正對珍惜嘅人好，就係要企喺佢嘅立場諗」、對互聯網嘅一啲訊息，甚至好似官方自我吐槽，吐槽返唔同嘅迪士尼公主，好似雲妮露誤闖公主嘅後台，佢地對自稱都係公主嘅雲妮露感到質疑，都係要比較大個少少嘅觀眾先會明。

Photo from Disney Movie HK

長髮公主Rapunzel問：「你有魔法長髮嗎？」Elsa就問：「你有魔法嘅雙手嗎？」灰姑娘Cinderella問：「小動物會同你傾計嗎？」白雪公主呢個真係好好笑：「有無畀人落過毒？」Rapunzel同貝兒一齊問：「咁你有無畀人綁架過？」

最搞笑嘅係雲妮露嘅回答：「統統都無，你地ok嗎？要唔要我幫你地報警」都睇到喺呢套戲入面，有各樣迪士尼嘅自嘲，對迪士尼公主嘅搞笑官方吐槽。

「係咪都有個大隻佬幫你搞掂難題？」今次雲妮露就好確定咁話係啊，令一眾公主認同佢都係「公主」，同樣搞笑～

Photo from Disney Movie HK

《無敵破壞王2：打爆互聯網》入面都幾多令人深思嘅金句～唔知你有無留意到呢！

1. 所有友誼都會變，但好嘅友誼只會變得更深厚
我地總會期望友誼不變，但其實每個人都會長大，都會變，所以好嘅友情同樣都會有變化，不過係會愈變愈深厚～

Photo from Disney Movie HK

2. 朋友唔係用嚟霸住
唔少人對住最好朋友都會有少少佔有慾，想一直都霸住個朋友，想佢一直留喺身邊，做咩都好似孖公仔咁，不過其實就係因為兩個唔同嘅個體，
朋友更加唔係用嚟霸住，可能仲有機會唔覺意就無咗個朋友。

Photo from Disney Movie HK

3. 無論大家去到邊到，朋友都會係朋友
細個要由小學升中學，或中學升上大學都會面對離別，不過如果係朋友嘅話，無論去到邊都係朋友，穴正嘅朋友就算分隔幾遠，見返都會雞啄唔斷，無任何嘅隔閡。

Photo from Disney Movie HK

4. 痴身並會自我毀滅嘅性格，一唔小心就會破壞友誼
呢句同「朋友唔係用嚟霸住」有少少似，因為太痴住會令彼此間嘅友誼、感情步向唔明朗，甚至會有嘈交，破壞到大家嘅感情。

5. 朋友唔應該阻止佢嘅夢想
喺電影入面，正正係因為朋友擁有一個屬於自己嘅夢想，而呢個夢想可能會令彼此物理上距離拉遠，但如果係朋友想做嘅事，係朋友嘅夢想，應該真心支持同鼓勵佢，而唔係為自己嘅不捨而反對。

Photo from Disney Movie HK

6. 互聯網第一法則係唔睇留言
最後一句同朋友就無咩關係，但對於會喺公開網絡平台發佈內容嘅人就係真係幾有道理，因為當睇留言被批評，點都會影響到心情同動力。

Photo from Disney Movie HK

電影中亦講人生到一個階段係要識得放手，而唔係死都要捉實，死都要重視嘅人與事喺身邊，有時放手會令成件事好。

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）