東南亞首個國家！泰國政府通過藥用「大麻合法化」～泰官員：新年禮物！

東南亞一向對於毒品案處理都非常嚴厲，
但最近就有新轉機，打擊毒品唔手軟嘅泰國，
議會投票決定批准大麻用於醫療用途！（娛樂用途依然不合法）

Photo from shutterstock

泰國通過修改《1979年麻醉藥物法》！
曼谷郵報指出，消費者如果有處方或認可嘅證明，就可以攜帶醫療用途所需嘅特定數量。
當局將會嚴格管制生產同出售大麻，以及東南亞常用嘅草本類興奮劑「卡痛」（Kratom）！

Photo from shutterstock

路透社又指，
國會為咗可以喺新年前通過法案，特登加開會議，
等政府刊憲後正式生效！
國會法律起草委員會主席Somchai Sawangkarn表示，這是泰國政府帶比大家嘅新年禮物～

Photo from shutterstock

隨住時代變遷，世界各地一直重新審視大麻法！
好似加拿大就啱啱通過咗大麻娛樂合法化，但係東南亞國家對於毒品問題仍然非常嚴厲。
例如馬來西亞有人涉嫌出售大麻油而被判死刑，印尼峇里島就有人因為藏有大麻油而面臨15年監禁！

Photo from shutterstock

唔少地方都會將大麻用作藥物用途，研究指出大麻可以治療慢性疼痛，
又或者作為化療引起嘅噁心、嘔吐嘅治療方法等等。
點都好啦，娛樂用大麻係東南亞地方仍然係非法，大家千祈唔好以第試法！