香港幸福堂被控全線結業!? 港店指總公司詐騙 法官:台灣方勝算較大

台灣「幸福堂」早前指香港分店違反同台灣總公司嘅協定，之後更加爆出原材料風波。近日台灣總公司更控告代理商侵權啊！

今年可以話係黑糖珍奶大熱，其中台灣過江龍「幸福堂」今年就喺香港開店，不過就交咗俾香港代理商經營。

Photo from PressLogic

不過開幕後一排，台灣總公司就話香港店違約，指其裝修方面未能按照總公司指定方式裝潢，
更話如果香港店唔配合，就唔會提供原材料俾佢地。

Photo from 台灣幸福堂

詳情：台灣幸福堂控香港分店違約 香港店恐要結業！

而事件愈滾愈大，一方面台灣總店指香港店唔係用緊原材料，呼籲香港顧客暫時唔好飲住。
並預告2019年會喺尖沙咀或旺角開直營店～

Photo from PressLogic

明年尖沙咀/旺角開直營店？再發聲明指香港店唔係用原材料 台灣幸福堂籲：暫時唔好飲

但香港店就喺FB專頁表示，所用嘅材料都經過食品安全測試，而且皆為台灣直送。

Photo from 香港幸福堂 古法手炒黑糖珍珠鮮奶創始品牌/Facebook

而台灣總公司近日就入稟高院，控告代理商侵權同漠視雙方協議。
亦要求法庭發出禁制令，停止代理商喺香港繼續經營業務。

Photo from PressLogic

案件下星期四(1月3日)再提案，法官表明打算俾代理商一星期時間準備抗辯～
不過就講到明總公司勝算比較大～

Photo from PressLogic

其實喺今年10月，代理商已經喺台灣，就合約問題控告總公司詐騙。
不過法官就反問：如果台灣總公司商譽唔好，又點解要同對方簽約呢？
而且代理商宣傳時都提及係「台灣第一品牌」，而家就反告台灣總公司侵權，就有啲自打嘴巴喇～

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）