五大2018年最受港人歡迎酒店！東京、台北、本地酒店都上榜～

2018話咁快就完咗，呢一年大家去得多唔多旅行呢？
有網上旅行社就做咗統計，睇下香港人最中意邊間酒店呢～

台北德立莊酒店

第一位係台北嘅德立莊酒店，香港人去台北可以話真係返鄉下咁方便呀！
呢間酒店鄰近西門町，位置方便。
開業三年，房間整潔，仲久唔久推出特價優惠，雙人房可低至$600一晚，CP值非常高！

東京新宿格拉斯麗酒店

第二位就係東京新宿格拉斯麗酒店，開業三年，位於熱門旅遊區新宿！
部分酒店房仲有哥斯拉為主題，好得意呀～

APA 新宿歌舞伎町塔樓酒店

第三位APA 新宿歌舞伎町塔樓酒店！
佢係APA連鎖式酒店，開業三年，房間雖然唔係好大，
但係五臟俱全！勝在價廉位置好，歌舞伎町更係出名嘅不夜天！

台北凱達大飯店

第四位台北凱達大飯店係全台第二大，同台鐵萬華站共同構建嘅五星級大酒店，位於新地標嘅雙子星塔附近，僅開業一年，設計時尚！
平均$793一晚，CP值好高～

香港麗豪酒店

第五位係竟然係香港酒店！位於沙田，備有室外泳池，唔洗1,000元就可以入住豪華客房，反映部分港人喜歡留港度假！
如果拎唔到假，唔少人都會係週末短短地渡下假架～

（小編公告：如果讀者有任何關於美食、旅遊、玩樂、或者任何新奇有趣事物嘅資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）