【最真摯嘅愛情】高中短暫相戀後被迫分開 原來男生心意一直藏在外套口袋

內地一名女生近日喺網上分享佢同男朋友高中分手後再重遇嘅浪漫經歷，原來男生一早喺佢地分手禮物到留低咗最深情嘅告白。

呢位女生同男朋友係高中相識並相愛，可惜拍拖一年後被家長發現，女生之後更被迫轉學。

Photo from 微博－甜星球日報社

分手後，佢地仲有偷偷見面，但好唔好彩又被發現。男生趕去見女生最後一面時，就送咗一件牛仔外套俾女生。

Photo from 微博－甜星球日報社

女生著咗呢件外套幾次就冇再著啦。

幾年後，佢地再次重遇。男生提起嗰件外套，仲話原來佢收埋咗一個小秘密喺件外套度，但女生一直冇發現到。

Photo from 微博－甜星球日報社

原來男生喺牛仔外套嘅左胸口袋度，縫咗一句：「我在未來等你」，歪歪斜斜嘅刺繡，睇得出男生雖然唔擅長針線，但都努力將自己嘅心意縫喺外套度。

Photo from 微博－甜星球日報社

而呢一句正正就係佢地一齊睇嘅電影《穿越時空的少女》裏面嘅對白。

Photo from IMDb

Photo from 微博－甜星球日報社

原來佢地一早約定咗，一齊升上大學之後就可以光明正大咁戀愛。但幾年過去，女生以為對方嘅心意會有變，所以未有踏出第一步。

Photo from 微博－甜星球日報社

但原來男生一早向女生表明咗自己心意，而且信守諾言，一直等緊呢位女生。

呢個故事浪漫到好似日本青春電影咁，令唔少網民都覺得好感動！

Photo from 微博－甜星球日報社

Photo from 微博－甜星球日報社

有網民仲猜測，男生將字句縫喺左胸口袋，係因為呢到係最靠近心臟嘅地方。就好似日本高中畢業，男生會將校服第二粒鈕扣送俾心儀女生，因為呢粒鈕就係最近心臟個粒，含蓄表達咗自己嘅心意。

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）