雄姐張彥博自資6位數出碟 自彈自編自監做2019年樂壇新人

入行13年嘅張彥博憑《跳躍生命線》「雄姐」一角而成功入屋，但佢出道初期其實係樂隊「赤子」成員。

雖然加入咗電視台出演唔同嘅電視劇，但其實佢從未放棄過佢嘅音樂夢想。

Photo from 張彥博 ig

Photo from 張彥博 ig

而上年佢就喺九展開咗自己第一場個人音樂會，而12月佢亦都發行咗自己嘅音樂專輯，入面一共有6首歌。

Photo from 張彥博 ig

Photo from 張彥博 ig

張彥博指呢6首歌係出道13年嚟嘅作品，仲話投資咗6位數字出碟：「入面啲歌係赤子解散之後嘅創作，儲咗7年以上，由於我無唱片公司，所以出碟係一件好難嘅事，用6位數字係最平嘅出碟價，入面6首歌全部係自己彈、自己監、自己編。」

Photo from 張彥博 ig

呢條音樂路雖然唔易行，但佢話會跑落去：「新人都係自己跑張成績表出嚟，未必好似以前咁有資源，因為依家網上平台競爭好大，每個歌手要親力親為先有結果，拎到入場券係好開心。」

問到佢係咪2019年樂壇新人，佢就話呢個身份驚嚇親人：「都算，都幾特別，但自己唔介意有無獎，而係想大家認識我多啲，唔只喺劇上面，真正認識我係唱作人、音樂人。」

睇得出佢對音樂好有熱誠，加油啊！

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）