張衛健放話想開演唱會：希望2019年可以開到...

今期流行啲乜？TVB《大帥哥》正播放得如火如荼，劇情非常緊湊，到底馬炭係咪會變奸呢？真係好緊張啊！而飾演大帥哥嘅張衛健，今次回巢拍大台劇集，都可以話係開心死廣大觀眾！

《大帥哥》唔止喺香港收得，喺內地都好高收視，喺優酷已經超過5億點擊率啦！而火紅嘅《大帥哥》亦令張衛健嘅人氣再次急升！啱啱過去嘅除夕倒數活動，內地有唔少電視台嘅除夕晚會都有邀請張衛健做嘉賓。

而其中，喺《2018粵語好聲音跨年盛典》入面，張衛健就演唱咗兩首歌。除咗有熱播劇集《大帥哥》嘅主題曲《大無畏》

仲有佢嘅其中一首hit歌《你愛我像誰》。

唱完《大無畏》之後，張衛健仲大帥哥上身：「唔好叫我張衛健，叫我…（觀眾：大帥哥！）叫我…（觀眾：大帥哥！）有冇睇呀？（觀眾：有！）好開心，希望大家鍾意《大帥哥》！」

唱完晒2首歌後，主持人出黎同張衛健傾計，問到張衛健2019年嘅目標時，主持人先係搞笑問會唔會轉髮型或者出新歌嘅時候，張衛健好配合咁回答：「髮型我應該會轉個中間分界...」

之後就認真講話：「講真啦吓，我希望2019可以喺內地開到我第一次嘅個人演唱會」

提起張衛健，大家可能係諗起佢演戲，孫悟空？韋小寶？功夫足球？但其實張衛健係以歌唱選秀節目出道㗎！

在 Instagram 查看這則貼文

張衞健（@dickyyyyyyyyyyyyyyyyyy）分享的貼文 於 PDT 2018 年 11月 月 2 日 下午 11:44 張貼

之前都有同佢啲兄弟組成Big Four開演唱會，唔知今次講嘅「我希望2019可以喺內地開到我第一次嘅個人演唱會」係咪真嘅呢？如果係，希望張衛健（Dicky）都可以快啲喺香港開啦！

在 Instagram 查看這則貼文

張衞健（@dickyyyyyyyyyyyyyyyyyy）分享的貼文 於 PST 2018 年 12月 月 15 日 上午 8:08 張貼

大無畏

至情至聖

身體健康

足球小將

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）