世界蛋！憑一隻蛋獲2,500萬LIKE 成為IG史上最多人LIKE嘅相！

Instagram紅人Kylie Jenner有過億Followers，舉手投足都成為網絡焦點。上年2月佢PO咗張寶貝女（Stormi)嘅相，19個鐘就已經攞到超過1,360萬個Like，成為IG史上最多人Like嘅相。

Photo from Kylie Jenner IG

不過呢個紀錄維持咗一年都冇就俾一隻「蛋」打破咗！

Photo from World_record_egg IG

今年1月5號，有一個名為「world_record_egg」嘅IG account 上載咗一張蛋相。冇花巧嘅背景、精妙嘅構圖，只係一隻蛋嘅「大頭相」，呢隻蛋叫「Egg Gang」。

View this post on Instagram

Let’s set a world record together and get the most liked post on Instagram. Beating the current world record held by Kylie Jenner (18 million)! We got this ? #LikeTheEgg #EggSoldiers #EggGang

A post shared by EGG GANG ? (@world_record_egg) on Jan 4, 2019 at 9:05am PST

但呢一粒蛋用咗10日就已經獲得1,818萬個like，擊敗咗Kylie，成為IG史上最多人like嘅相。

Photo from World_record_egg IG

原來雞蛋嘅主人有日見到IG最多人Like嘅相嘅排名，佢就忽發奇想想試下超越Kylie，所以佢就開咗個IG PO咗一張雞蛋相，結果獲得空前嘅人氣，而家已經超過2,500萬個like，like數正以驚人嘅速度增長。佢仲坐擁超過260萬嘅followers，IG簡介仲寫住：「 Official world record holders of the most liked picture on Instagram. Now where’s our blue tick?」意思係：IG最多人Like嘅相嘅世界紀錄，幾時會比藍剔（認證）我？

Photo from Kylie Jenner IG

Photo from Kylie Jenner IG

Photo from Kylie Jenner IG

前紀錄保持者Kylie知道自己紀錄俾一隻「蛋」破咗，就拍咗條片反擊，去咗街頭將「蛋」打喺大街上，監生用太陽熱力將「蛋」煎熟咗！蛋蛋！R.I.P.！

呢隻蛋紅咗之後，有唔少網民紛紛模仿，開咗唔少食物IG，例如酸瓜、啤酒、薯仔、奇異果等等。

Photo from Worldrecord.potatoe IG

Photo from Kiwi_worldrecord IG

Photo from World.record.beer IG

Photo from World_record.pickle IG

Wow！估唔到一隻蛋都有咁大力量。唔講咁多，小編準備去開個「world.recrod.taroball」IG啦～

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）