買拜年賀禮前要睇清楚！消委會公布58款曲奇及甜酥餅樣本測試結果

農曆新年又到啦！唔少人拜年送禮，曲奇、蛋卷、杏仁條和甜酥餅，係唔少人嘅首選。

Photo from 消費者委員會@ YouTube

不過消委會今日就公布市面上58款曲奇及甜酥餅嘅測試結果，樣本中發現全屬「高糖」或「高脂」食物，既高糖及高脂肪亦達46款；另外近9成樣本（51款）驗出基因致癌物環氧丙醇、丙烯酰胺！

Photo from 消費者委員會@ YouTube

而大部分樣本驗出含有害的污染物就係氯丙二醇（3-MCPD），根據資料指，長期過量攝入3-MCPD會損害腎臟功能，並影響雄性嘅生殖系統。

Photo from 消費者委員會@ YouTube

但現時香港法例及食品法典委員會就未有訂明3-MCPDE喺油脂內嘅含量標準。不過，世界衛生組織之食品添加物專家委員會（JECFA）暫定每日最高容許攝入量係4微克/每公斤體重。而歐洲食品安全局（EFSA）則定為2微克/每公斤體重。

Photo from 消費者委員會@ YouTube

另外近9成樣本（51款）驗出基因致癌物環氧丙醇、丙烯酰胺！

Photo from 消費者委員會@ YouTube

有40款樣本檢出含環氧丙醇（glycidol），含量介乎每公斤3.4至1,900微克。食物內嘅丙烯酰胺（acrylamide）係喺高溫加工嘅過程中產生。有42款檢出丙烯酰胺，含量介乎每公斤32至340微克。

Photo from 消費者委員會@ YouTube

JECFA認為，大量進食環氧丙醇及丙烯酰胺，對嬰兒、幼兒、兒童和攝入量偏高嘅成人，或會增加患癌風險。歐洲委員會已於2018年初就指定食物訂定縮水甘油酯（GE）嘅最高含量，但現時香港未有法例規管食物中3-MCPDE及GE的含量。消委會期望政府可參考外國做法，盡快進行規管。

Photo from 消費者委員會@ YouTube

另外，46款附營養標籤嘅餅卷中，竟然高達一半樣本驗出營養素含量，同標籤標示嘅數值差距超過食安中心容忍限值。

Photo from 消費者委員會@ YouTube

消委會指出，政府有必要重新檢視現行已使用多年的營養標籤法例，因為如果營養資訊有誤嘅話，會容易令消費者選購咗影響佢哋自身健康嘅食品。

Photo from 消費者委員會@ YouTube

消委會亦提供「貼士」，應保持均衡飲食，減低因偏食而攝入污染物食品、少食多滋味以免攝入過多脂肪和能量，及購買前查看包裝是否完整，留意食用期限，確保沒有過期等！

Photo from 消費者委員會@ YouTube

咁樣新年就可以送既健康又好食嘅禮品畀人喇！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）