「台灣小奈良」鹿仔比日本溫馴 「鹿境」梅花鹿嘅天堂

一連4日嘅假期琴日開始咗，最啱就係去轉台灣！講到可以餵鹿仔嘅地方，大家第一時間諗到嘅都會係日本嘅奈良啦？但其實台灣亦都有個「小奈良」叫鹿境，而嗰度啲鹿比日本奈良嘅鹿更溫馴，冇咁易畀佢哋撞PatPat！

Photo from Presslogic

Photo from Presslogic

入到園區第一件事，工作人員會介紹啲「鹿」畀大家認識，分別有梅花鹿同台灣水鹿。大家可以從耳朵、毛色去做區分！

Photo from Presslogic

大家可能會問點解有啲鹿會被困喺鐵欄入面，因為小編去到嘅時候正正係公鹿嘅發情期，所以暫時將公鹿隔離，以免佢哋攻擊遊客，「鹿境」絕對唔係有意困住佢哋，純粹出於安全理由。去「鹿境」可以完全唔洗擔心安全問題，工作人員早已作出貼心安排！

Photo from Presslogic

之後就行到大家最期待嘅「餵食區」。呢度有小至2、3個月大嘅「鹿BB」，亦有溫馴嘅成年母鹿可以做餵食～
園區有提供鹿米、牧草、紅蘿蔔、地瓜...等多種小零食。咁樣嘅話，鹿仔就唔會食厭其中一種食物啦～你畀嘢食佢哋，佢哋仲會一直主動親近你添～呢點同日本奈良嘅鹿係一模一樣咖！

Photo from Presslogic

Photo from Presslogic

不過大家見到鹿仔休息緊嘅時候，為免佢哋突然暴走，大家盡量唔好騷擾佢哋啦。雖然佢哋基本上係唔會攻擊人類，但聲浪過大/嚴重騷擾佢哋生活嘅話有機會嚇親佢哋。

Photo from Presslogic

Photo from Presslogic

可能有人怕「鹿境」會有浸屬於動物嘅味道／佢哋便便嘅臭味，但係小編話你知，真係一啲都唔臭！鹿境老闆好認真管控呢個部分，所以環境係非常舒適。如果有機會去恆春，千其唔好錯過呢個可以親近鹿群嘅好機會～

Photo from Presslogic

嗰度仲有唔少打卡位同有鹿仔嘅公仔/飾物買添～

Photo from Presslogic

Photo from Presslogic

Photo from Presslogic

梅花鹿生態園區位於台灣最南嘅屏東，由於自然環境過度開發，加上當地居民對梅花鹿認識有限，導致梅花鹿數量日漸減少。「鹿境」負責人為咗唔好令梅花鹿消失，決定著手進行復育工作，所以建立呢個梅花鹿生態園區。順帶一提「鹿境」亦係台灣首個「梅花鹿天堂」。

Photo from Presslogic

鹿境梅花鹿生態園區
地址：946台灣屏東縣恆春鎮恆公路1097-1號

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）