香港文物探知館新展覽 了解中式建築智慧
香港文物探知館現正舉辦專題展覽，由康文署聯同本地著名的八十後建築師蕭國健一同策展，透過18套展品，包括建築模型、斗拱模型、垂脊裝飾和彩畫複製品等，輔以錄像節目，讓觀眾細賞明清時期建築的精湛工藝。
呢個展覽展出咗18套展品，當中包括長春宮建築燙樣、明代七踩溜金斗拱模模型和清代單翹單昂五踩平身科斗拱模型，以及三交六椀菱花窗、乾清門升降龍天花彩畫和太和殿垂脊裝飾的複製品等。
展覽亦會介紹香港中式建築的風格和特色，包括位於元朗屏山的鄧氏宗祠、大夫第和景賢里，讓參觀者從中了解保育文物建築的重要性。
1. 明代七踩溜金斗拱模模型、清代單翹單昂五踩平身科斗拱模型
呢兩個模型睇落好有氣勢，其實係叫「斗拱」。
「斗拱」係樑柱同屋檐之間嘅支撐，有防震作用，加上彩繪之後仲係一個華麗裝飾。
2. 金磚（現代品）
呢塊金磚係紫禁城宮殿建築所用嘅方形地磚。清代皇室對金磚嘅質素要求極高，成品唔止要顏色純青，仲要做到「敲之有金玉之聲」，加上成本高昂，所以稱為「金磚」。
3. 乾清門升降龍天花彩畫（複製品）
紫禁城宮殿內外檐都有色彩鮮豔嘅彩畫，彩畫除咗用嚟裝飾之外，亦為木建築提供防潮、防腐同防蛀嘅功能。
4. 太和殿琉璃垂脊裝飾（複製品）
紫禁城嘅建築物屋頂垂脊大多都有脊獸，或者垂獸做裝飾，佢哋保護住屋頂兩面瓦片嘅交匯處，防止滲漏。脊獸包括走獸同佢前面嘅仙人騎鳳，每組走獸由1個至到9個不等，建築物嘅等級愈高，走獸數量就愈多。規格最高嘅太和殿垂脊上有10隻走獸。
《穿越紫禁城 ── 建築營造》
日期︰ 即日起至4月7日
地點︰ 香港文物探知館（尖沙咀海防道九龍公園內）
開放時間：
星期一至三、五：上午10時至下午6時
星期六、日及公眾假期：上午10時至晚上7時
星期四休館（公眾假期除外）
*免費入場
Featured for 康樂及文化事務署
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
