失聯25年！阿Sa重遇細個照顧自己嘅外傭姐姐 姐姐銀包仍放阿Sa童年照

可以見返失散嘅親人朋友永遠都係一件幸福嘅事，阿Sa琴日就喺IG分享咗佢重遇細個照顧佢嘅Eden姐姐嘅開心事喇！

阿Sa話Eden姐姐由佢兩歳開始照顧到小學三年班，可以話係參與過阿Sa人生入面其中一個好重要嘅人。

Photo from 蔡卓妍 IG

阿Sa提到佢哋感情好好：「我們甚至剪了一樣的髮型 她陪我到公園嬉戲 我陪她到我家附近的美容店做facial 我們一起看電視 一起唱歌 一起祈禱 她時常都會用她的工資請我吃零食 還會給我買小禮物 有時爸爸媽媽星期天要加班 Eden姐姐也會帶著我去參與她和朋友的假期活動」

直到姐姐要返菲律賓，而嗰時既無手機，又無電腦，又無e-mail，所以阿Sa同Eden姐姐失去咗聯絡。

Photo from 蔡卓妍 IG

失聯25年，最近阿Sa爸爸終於搵到佢！原來Eden姐姐之後有再嚟香港做嘢～

除咗阿Sa一直都咁掛住姐姐之外，其實姐姐都同樣咁記掛阿Sa，就算換咗好多個銀包，但係銀包入面都會放住阿Sa細個嘅相！

Photo from 蔡卓妍 weibo

阿Sa都話再見返Eden姐姐感覺好似見返一個好耐無見嘅親人咁！

而阿Sa最後提到：「感謝上天能讓我再見到她 讓我可以在以後的日子報答她為我付出的青春和愛❤️❤️」

睇得出佢哋感情真係好好！好多時屋企嘅外傭姐姐都好似家人一樣！失去聯絡多年都可以再次見面，難怪阿Sa會咁開心！

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）