神秘村落！粉嶺隱秘壁畫村打卡～寧靜而遠離煩囂嘅小村！假日輕鬆遊毛毛草田～

喺香港人多車多嘅地方，度度都好吵雜，但原來都有遠離煩囂嘅世外桃源，係可以俾大家喘一口氣嘅地方！

粉嶺雖然係屬於偏遠嘅地方，但正正就係因為咁，可以為大家帶嚟寧靜而又神秘嘅休息地！
而鍾意影靚相嘅大家，可以嚟尋訪下呢條壁畫小村莊，陳舊嘅房屋同七彩繽紛嘅壁畫，會感受到簡單嘅美好！
呢條小村其實喺2012年嘅發展計劃入面，差啲要面臨遷拆嘅危機！但係好彩村民合力保衛家園，亦吸引左一班義工幫忙，一齊為村莊增添色彩！

Photo from PressLogic

Photo from PressLogic

村莊宜家仲有幾戶住客喺度居住，雖然冇乜熱鬧嘅人氣，但繽紛嘅壁畫令小村唔會死氣沉沉～
一入村會見到小木牌指示入村，長長嘅圍牆、地下、枱、櫈都變左鮮豔嘅藝術品！而呢啲壁畫，其實都反映左部份村呢嘅生活，其中一幅小精靈壁畫仲係法國藝術家Sautel Cargo為呢度而畫嘅，打卡之餘都好值得細細欣賞！

Photo from PressLogic

Photo from PressLogic

沿路會見到唔同特色嘅壁畫之外，行行下會見到一片用汽水罐整成嘅風車海，一有風吹過嘅時候，唔同顏色嘅汽水罐反射出唔同嘅色彩，好夢幻嫁～
而入到村入面，會見到一棵掛滿木造揮春嘅大樹，借呢啲木牌向樹許願，同棵許願樹打卡都唔錯嫁！

Photo from PressLogic

Photo from PressLogic

Photo from PressLogic

Photo from PressLogic

村民都歡迎大家嚟參觀拍攝，不過要記得愛惜呢啲藝術品，唔好隨便喺上面塗鴉，亦都注意唔好過份喧嘩影響居民～
有好多附近嘅居民都養左看門口嘅狗狗，大家嚟參觀記得要小心哦～

Photo from PressLogic

Photo from PressLogic

《坪輋壁畫村》
地址：粉嶺坪洋村坪原路坪輋壁畫村
前往方法：東鐵粉嶺站落車，轉乘52K小巴（九記士多落車），過對面村口步行約 5分鐘

Photo from PressLogic

Photo from PressLogic

呢個壁畫村附近，原來仲有個迷人毛毛草田！
呢啲毛毛草其實正式嘅名叫「大白茅」，喺3-5月會開花，好似一串白色毛毛咁～
呢片大白茅田配埋夕陽會變得金黃一片，十分壯麗！大家嚟欣賞同時，都要記得帶走自己嘅垃圾，唔好踏上原好嘅草地，以免傷害大白茅生長！

Photo from PressLogic

《坪洋村白茅田》
地址：坪洋村坪源路
前往方法：東鐵粉嶺站落車，轉乘52K小巴（九記士多落車），坪洋舊村公厠左路，沿坪原路行步行約 10-20分鐘
注意：田中有紅火蟻蟻穴； 著長褲以防草叢刺傷；附近有祖墳，小心避免騷擾先人；草叢內有明確通道，請勿另闢新路及踐踏或採摘茅草

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）