懶人減肥法！五款越食越瘦的減肥食物，原來減肥咁輕鬆！

話咁快，天氣變暖，又係夏天來臨嘅時候！要著短裙短褲比堅尼，唔減走新年積落嘅脂肪又點著呀？但太懶唔想做運動？其實都可以從飲食著手，以下五種減肥食物可以幫助控制食慾，從而快速減肥喔！

Photo from Pinterest

1. 杏仁

杏仁含有維他命E同鎂，可以幫助抗氧化。所含嘅膳食纖維同蛋白質仲可以令人產生飽肚感，每日食一小杯已經可以控制食慾，減低想食野嘅感覺，大大降低脂肪吸收率。

Photo from Pinterest

2. 黑巧克力

唔好以為食朱古力就一定會肥喔！黑朱古力完全唔同，因為含咖啡因，加上獨特嘅苦澀味可控制食欲。每日吃一兩塊含70%或以上可可粉嘅黑巧克力就足夠。黑朱古力中嘅飽和脂肪酸令整個消化過程放慢，飽肚感延長。

Photo from Pinterest

3. 燕麥片

燕麥片有大量膳食纖维，增加腸胃嘅食物體積，從而增加飽肚感，亦能促進腸狀蠕動，舒解便祕問題。早餐食一碗燕麥片能抑制肚餓，延緩血糖上升，係健康地降低食慾喔！加啲新鮮水果，例如藍莓、香蕉、士多啤梨等等，味道更佳！

Photo from Pinterest

4. 木瓜

木瓜含有木瓜酵素可以幫助消化，吸收蛋白質，排出體內毒素，減輕腸胃工作量。而且維他命C含量比蘋果仲要高出幾十倍喔！不過木瓜微寒，脾胃較弱嘅人唔適宜食太多，否則有機會出現腹瀉現象。

Photo from Pinterest

5、生菜

同其他蔬菜相比，生菜含有較多膳食纖維同維他命C，可以消除多餘脂肪，為減肥人士補充纖維素，所以有「減肥生菜」之名。當中仲有甘露醇等有效成分，有助利尿同促進血液循環，清除體內毒素。可以清炒或者加入少量沙律醋當沙律食用。

Photo from Pinterest

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）