韓國偶像歌手太似樣 政府建議減少「撞樣」idol出鏡 指髮型同妝容過於相似

韓國整容風氣流行，喺街上不時會見到整容醫院，韓國政府最近似乎有意整頓呢個風氣。

據《韓國時報》報道，韓國兩性平等及家庭部（The Ministry of Gender Equality and Family）星期六（16日）發布指引，批評部分明星髮型同妝容過於相似，而且太瘦、衣著暴露。

Photo from Miss Korea

Photo from 韓國兩性平等及家庭部

指引指出：「出演電視音樂節目嘅歌手都係雙胞胎嗎？」，擔心偶像歌手過於相似嘅外貌會令大眾，尤其係崇拜偶像歌手嘅年輕觀眾嘅審美標準變得單一而唔現實，並提出限制喺同一時段內偶像歌手嘅出鏡次數。

Photo from iZone

指引特別提及部分少女組合，指：「佢哋大多數都非常瘦，而且有相似嘅髮型同妝容，衣着暴露。」

Photo from Girls Generation

不過政府官方提出「偶像太相似」就引起爭議。有議員批評，唔理解點解政府要規範審美標準，並向政府遞交廢止指引請願書。甚至有人質疑此舉同軍事獨裁，控制民眾髮型同打壓穿裙無異。

有議員認為，外貌只係反映個人品味，唔應該由政府設定統一標準。

不過都有人對政府建議表示理解，認為唔少少女組合都刻意賣弄性感。

Photo from shutterstock

韓國性別平等與家庭部2月18日解釋，指引旨在呼籲關注容貌歧視為公眾健康帶嚟嘅損害，指引只係建議而唔係強制，電視台可以自行決定係咪跟隨指引。

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）